Бахреин - новото Дубаи

Кралството Бахреин (Mamlakat al-Baḥrayn, буквално: „Кралство на двете мориња“) е архипелаг кој се состои од 33 острови во Персискиот залив.

 

Тоа е мала држава управувана од кралското семејство Ал Халифа.

Се одликува со комбинација од традиционални арапски обичаи и современа архитектура. Главниот град на Бахреин, Манама, нуди модерни ресторани, разновиден ноќен живот и грст можности за луксузен шопинг.

Освен во дивите плажи на богатата престолнина, посетителите може да уживаат и во многубројни активности како нуркање, едрење, јавање камили или голф.

Манамски Сук е чаршија каде има многу мали занаетчиски работилници и традиционални продавници, сувенири, облека и сл. На овдешните тезги може да пронајдете парфеми, егзотични зачини, ткаенини, ракотворби, сувенири, суво овошје и секако – злато.

На панорамата од градот доминираат кулите близначки на бахреинскиот Светски Трговски Центар, високи 240 метри, воедно и први облакодери со вградени турбини кои користејќи ја силата на ветрот произведуваат електрична енергија. Довршени се во 2008 година, а трошоците за изградба изнесувале 150 милиони долари.

Бахреин просперира пред се благодарение на нафтата и развиеното банкарство, а во последно време е и престижна туристичка дестинација, најмногу заради погодната клима.

Од 2004 година, бахреинскиот Гран При е во редовниот календар за Формула 1.