4 забавни идеи каде да отпатувате во декември - термални бањи, божиќни пазари

Во пролет и лето лесно може да си го организираме времето и да смислиме некоја интересна активност. Може да ставиме ранец на грб и да се качиме во првиот авион. Но, каде во декември? И покрај тоа што важи за студен месец во Европа има одлични можности кои совршено можат да се вклопат во вашата патувачка агенда.

Наместо да се оптоварувате што да правите во последните денови од декември, букирајте брзински некоја евтина карта до Будимпешта и дозволете си себеси уживање во комплексот на термални бањи Szechenyi, каде има дури 21 базен, а водата е лековита и полна со калциум, магнезиум и натриум.

Од друга страна без разлика каде ќе заминете, нема да ги избегнете божиќните маркети кои во Европа посебно се убави.

Растреперени светилки, новогодишни украси за вашата елка, декорации за вашите домови, чоколадни зајчиња, музички концерти и еден куп костуми на Дедо Мразовци. 

Божиќните маркети се главно собиралиште на мештани и на туристи. Велат дека во Виена, Прага, Стразбур, Франкфурт се наоѓаат најубавите маркети.

По сите дневни и ноќни активности, гостење со традиционална кујна може да ве направи посебно задоволни.

Излезете од шаблонот и евидентирајте што сè имате пробано. Од австриските штрудли, белгиските вафли, хрватското црно рижото до француските кроасани, германските переци, унгарскиот гулаш…

На списокот не се гледа крај. Верувајте!

Тука ќе се вметне и посета на настани со скулптури од лед. Последниот месец е најсоодветен за тоа, а тогаш има и најголем број на вакви настани низ Европа. Да не знаеш од каде прво да почнеш. Белгија, Германија, Франција, Финска… На речиси сите настани има изложено фигури кои сигурно ќе ви го одземат здивот, а ако патувате заедно со вашите деца, тие и најмногу ќе се радуваат на тоа и вие покрај нив.

Е. Х. | Црнобело