Тајни што all-inclusive хотелите сакаат да ги скријат од туристите

Транспортот обезбеден од хотелот може да потрае

Доколку хотелот ви понуди бесплатен транспорт од и до аеродромот, не заборавајте да прашате за деталите.

Понекогаш автобусот разнесува гости низ повеќе хотели, па патувањето од 30 минути може да трае и неколку часа.

Детските атракции можат да чинат многу

Многу често all-inclusive хотелите рекламираат разни детски програми. Некои дури нудат и дадилки. Проблемот е што хотелите „забораваат“ да напоменат дека овие услуги се плаќаат дополнително.

Активностите на вода можат да бидат многу скапи

Доколку го отворите сајтот на некој all-inclusive хотел покрај вода, сигурно ќе забележите разни чамци, даски за сурфање и слично.

На прв поглед ќе ви изгледа како сето ова да следува во all-inclusive понудата, но во реалноста, најчесто овие активности се доплаќаат, и тоа по висока цена.

Пливањето може да биде забрането

Пред да им се израдувате на плажите и базените во хотелот, прашајте дали се дозволени за туристи.

Доколку хотелот е многу евтин, може да се наоѓа на место што е опасно за пливање. Истовремено, можно е плажата пред хотелот да биде загадена или, пак, да има премногу туристи.

Како и да е, однапред распрашајте се и истражувајте.

Одењето на плажа може да ве чини многу

Многу хотели наплаќаат дополнително за користење на нивните лежалки на плажа.

Не заборавајте да прашате дали во all-inclusive понудата се вклучени и лежалките.

Разгледувањето на градот може да биде скапо

Без разлика колку некоја држава е погодна за туристи, разгледувањето може да биде проблем.

Хотелите ќе направат сè за да ве задржат внатре, па ќе ви предложат понуди за разгледување со водич што се многу скапи. На крај, ќе немате друг избор освен да останете во хотелот.

Хотелите штедат на струја во собите

Кога ќе се сместите во собата, проверете го фрижидерот.

Многу туристи се жалат дека им се расипува храната во хотелските фрижидери. Причината за ова е тоа што обично фрижидерите се подесени на минимално ниво. На овој начин фрижидерот троши помалку струја, но не ја лади храната.

Спирова С. | Црнобело