Даргавс, градот на мртвите:„кој влегол - нема да се врати“

Скриенa во еден од петте планински гребени што го делат Кавказ, лежи една од најголемите руски мистерии.

Тука се наоѓа збир на еднокатни куќи од тули, опкружени со живописни фарми и каскадни карпи, а локалното население веќе долго време верува дека оние што влегуваат во селото никогаш нема да се вратат.

Селото Даргавс, инаку познато како „Град на мртвите“, се смета за едно од најстрашните места во Северна Осетија, бидејќи се протега врз 10.000 гробови. Станува збор за античка некропола, каде што луѓето биле погребувани помеѓу 14-ти и 18-ти век.

Овие антички гробишта се состојат од крипти поставени во долина долга 17 километри. Некои се доволно големи за да соберат едно тело, додека другите имаат четири ката.

Историчарите велат дека секоја крипта има бунар кој имал круцијална улога за да се открие дали некој допатувал во другиот свет. За да го дознаат одговорот мештаните фрлале паричка во бунарот. Доколку паричката би удрила во камен при паѓање на дното, тоа се сметало за добар знак.

Иако постојат многу теории за овој град, доказите покажуваат дека за време на чумата што ја зафатила областа во 18-ти век, заразените жители биле ставени во карантини во криптата и ја чекале нивната смрт.

Историските легенди велат дека жртвите на сериозната болест биле мета на античките „богови“, кои биле лути на начинот на кој селаните се однесувале. До неодамна, луѓето верувале дека секој што ќе го посети овој град нема да се врати.

Страшниот град привлекува туристи од околните места, како и од целиот свет, иако заради тешкотијата во наоѓање на локацијата и самото пристигнување, во местото нема многу туристи.

Ашера | Црнобело