Извонредна глетка на шарените камчиња во езерото Мекдоналд

Националниот парк Глечер, во американската држава Монтана, близу до границата со Канада е дом на над 700 езера.

Сепак, само 131 од овие езера имаат имиња и околу 200 се поголеми од 20.235 м2, додека десетина од нив се со големина од неколку илјади метри квадратни, што е навистина ретко за планинските езера.

Покрај тоа, водите на езерата се кристално чисти и неретко може да се видат детали на дното со длабочина од 30 стапки, па дури и повеќе.

Една од најистакнатите карактеристики на некои од езерата е постоењето на најразлични обоени карпи и камчиња веднаш под површината на водата и на бреговите.

Така, бојата на камчињата варира од портокалова до темноцрвена и од сина до зелена боја.

Обоените камчиња  во изобилство се гледаат на бреговите на езерото Мекдоналд, на западната страна од паркот.

Езерото Мекдоналд е најголемото од езерата на Националниот парк Глечер, со површина од 6.823 акри, исто така е најдолго, со над 15 километри должина, како и најдлабоко, со длабочина од 141 метар.

Езерото Мекдоналд е дом на разни природни видови пастрмка и други видови на риби.

Цитирано од книгата „Глечер-Ватертон Меѓународен мир“ од Вики Спринг и Том Киркендал:

„Бојата на карпите се определува со присуство или отсуство на железо. Светлите црвени карпи пронајдени долж патеката Гленел Глечер беа депонирани во плитко океанско опкружување, каде што железото се оксидира од плимата и изложеноста на воздухот. Карпите со оваа боја често имаат стари блесоци или антички линии на пукнатина од кал. Богатите карпи со зелена боја беа формирани во подлабока вода од црвените карпи. Иако овие карпи содржат исти количини минерали што носат железо, тие немале иста изложеност на кислород и количината на оксидација била ограничена“.

Во продолжение ви издвоивме неколку прекрасни фотографии кои ќе се обидат да ви ја доловат маестралноста која ја поседува езерото Мекдоналд:

Мила М. | Црнобело