Природна реткост: Бислимска Клисура (Бислим) – мало парче рај каде што царува тишината (фото)


Природна реткост: Бислимска Клисура (Бислим) – мало парче рај каде што царува тишината (фото)

Во непосредна близина, на само 5 km од Куманово, низводно од вливот на Кумановка во Пчиња, природата ја формирала прекрасната Бислимска Клисура.

Bislimska-Klisura-01.jpg

Бислимската Клисура е мала клисура, долга околу 7 km, но дури и на оваа кратка должина што да се види. Народски, овој простор е познат едноставно како „Бислим“ и веднаш асоцира на каменлив и мистериозен простор каде што ретко кој стапнува или поминува.

Всечена е во варовнички карпи со јурска старост. Има стрмни страни, на одредени места речиси вертикални косини, така што на некои места наликува на кањон. Над каменоломот (Краста) можат да се видат и неколку вртачи – единствени од таков вид во кумановско. За нивното создавање биле потребни илјадници години во кои атмосферските врнежи го растворале варовникот и формирале вдлабнатини.

Во клисурата се наоѓаат десетина пештери и пропасти, долги до 90 м. Најдолга пештера е Студен Пештер (90 m), а најдлабока пропаст е Маркова Куќа, длабока околу 40 m.

Кога реката не е премногу надојдена и предлабока, може да се премине за да се види убавиот Лишков пештер, можеби најбогатиот објект со пештерски накит во Бислимската Клисура и воопшто во Кумановскиот крај.

Дали сте ја посетиле Бислимската Клисура? Мало парче рај каде што царува тишината:

https://www.instagram.com/p/CJwGLGCrgHT/

(О)Милена | Црнобело

Би можело да ве интересира:

Одвиткани спомени од патувања и носталгија спрема некогашната нормалност Ги сакам оние моменти кога ќе се најдеш на некое место кое ќе ти отвори толку мн...
Господ се заборавил од дарување убавина – Берово е магично наесен (фото) Македонија е прекрасна, но доколку барате мир, убавина, чист воздух, бесценета п...
Миленков камен – планинска убавина на која имате чувство дека ќе ги допрете небото и облаците (фото) Две патеки може да ве одведат до овој планински бисер на Караџица – од Патишка Р...

Најчитани неделава

sonovnik-sidebar.jpg