Селски туризам и гастрономско уживање во Србија - позната дестинација, ново искуство

Одморот во селата во Србија станува се почест избор на туриститe како начин на престој во помалку познатите краишта, далеку од градската врева, во природна средина, на чист воздух, а во близина на националните паркови, паркови на природата, реки, езера и интересни туристички атракции и локалитети.

Djordje Petrovic - Selo Vrmdza /  Stefan Kondic -Trsic / Daska sa mesom - Ustupoljeno od RRA Zapadna Srbija

Целата разновидност на Србија видлива е во нејзините села.

Djordje Petrovic - Selo Vrmdza

Во Војводина преовладуваат салашите, сместени во питомите рамнини и опкружени со плодни ниви, полиња со пченица, сончоглед и пченка. Тие се познати по исклучителната гастрономија, обилната трпеза и надалеку познатите вина. На повеќето салаши ќе имате можност да јавате, како и да се запознаете со старите занаети.

Aca Milutinovic - Cvejin Salas Begec

Во селата на Шумадија и Поморавље ќе се запознаете со сите привлечности на бавниот и зелен туризам. На имотите опкружени со шуми, овоштарници и лозја, ќе сретнете стари раси на домашни животни, ќе уживате во домашните специјалитети, одличното вино и ракија, што на овие простори се нарекува и шумадиски чај.  

Dragan Bosnic - Prolom selo

На планините на Западна Србија ќе се одмарате во топлите брвнари и вајати, додека живописните села кои се наоѓаат на планинските падини даваат можност за пешачење, скијање и планинарењe. Ќе уживате во мирисите на планински билки и зимзелените шуми, но и во вкусовите на домашната храна.

Vladimir Zivanovic - Kucica na Sopotnici

Селските домаќинства во Источна Србија се многу разновидни, а со својата убавина и гастрономска понуда се истакнуваат куќите од Стара Планина со чардаци. Селата во близина на Сокобања со својата природна убавина, мирот, чист воздух, ги привлекоа и туристите од новото време тнр. дигитални номади.

Dragan Bosnic - Kremna Tomic

Predrag Despotovic - Sirogojno, Zlatibor

Некои од селските домаќинства претворени се и во вистински мали туристички комплекси со спортски-рекреативна содржина, базени и удобност што ги обезбедува сите придобивки од модерниот начин на живот.

Срдечните и гостопримливи домаќини, кои го примаат гостинот како пријател, ќе го направат Вашиот престој посебен.

Dragan Bosnic - vetrenjaca Ravno Selo

Ова лето изберете одмор во селата во Србија!

Во земјата во која различните вкусови и традиции во подготвувањето на храната се комбинираат и негуваат со генерации, сигурно ќе најдете начин да ги задоволите своите сетила.

Branko Jovanovic - Hrana i pice

Храната во Србија не е само прашање на вкус, туку и на место, искуство и доживување. Српските кафеани, низ историјата биле центар на културниот, социјалниот и политичкиот живот и до денес останаа место за собирање на боеми, уметници и на сите што сакаат да го почувствуваат духот на Србија.

Dragan Bosnic - Novopazarski cevapi sa ovcijim kiselim mlekom

По добрата храна, но и по музиката во живо, се препознава секоја српска кафеана заснована на традиција.

Branko Jovanovic - Rakija

Додека вината во Србија полека, но сигурно го трасираат патот кон успехот на светската винска сцена и освојуваат бројни меѓународни признанија, популарноста во Србија кај хедонистите од помладата и средната генерација се повеќе ја добиваат занаетчиските (крафт) пиварници, познати по тоа што експериментираат со вкусовите.

Меѓу поинтересните се оние со ѓумбир, чили, чоколада, ананас, со додавање на разни бибери, јафа бисквити, лимонска трева, морска сол и алги, нане, лута пиперка, кафе, суви сливи и цимет...

Dragan Vildovic - Vino

Dragan Vildovic - Vino

Ова лето уживајте во вкусовите на Србија!

За повеќе информации посетете ја веб страната: www.serbia.travel