Стогово – недопрена убавина со „алпски пасишта“, место каде ќе пронајдете мир (фото)

Стогово е млада верижна планина која настанала за време на алпската орогенеза. За време на плеистоценот планината Стогово била зафатена со глацијација и денес на неа се јавува глацијален (леднички) релјеф како циркови, валови и морени. Во цирковите се јавуваат три леднички езера: Горно и Долно Езеро и езерото Маруша.

Стогово е лоцирано во западниот дел на Македонија. Највисоки врвови се Голем Рид на 2278 метри надморска височина и Бабин Срт на 2242 метри надморска височина.

Овде природата е скоро недопрена поради тоа што во близина нема население, а и не се посетува често од планинарите.

Планината Стогово се наоѓа меѓу долината на Црн Дрим на запад и Сатеска од исток. На север и исток Стогово се надоврзува со планината Бистра, а на југ преку врвот Бабин Срт (2242 метри надморска височина) се надоврзува на планината Караорман.

Застапени се листопадните букови и дабови шуми, а кон врвот тие има борови, зимзелени шуми. Самите каменести врвови се опкружени со високотревни пасишта познати под името „алпски пасишта“.

Зарем има поубава земја од нашата Македонија? Погледнете го волшебното Стогово, чиста, недопрена убавина како капка:

(О)Милена | Црнобело