Црното Езеро на Дурмитор (Црна Гора) – природен бисер кој мора да се посети барем еднаш во животот (фото)

Црното Езеро му припаѓа на општината Жабљак, во северниот дел на Црна Гора. Станува збор за глацијално езеро, сместено на планината Дурмитор, на надморска височина од 1416 метри.

Ова езеро главната туристичка атракција во регионот Дурмитор. Тоа е најголемото и најпознатото од 18 глацијални езера на планината. Езерото е лесно пристапно, а до него може да се стигне пеш од центарот на Жабљак.

Црното Езеро е место каде што вашата душа повторно ќе се поврзе со природата и умот и едноставно ќе се смири и одмори од напластениот стрес и секојдневните нервози.

Сместено во признаениот Национален парк од страна на УНЕСКО – Дурмитор, ова езеро ќе ве воодушеви со својот бајковит изглед. Вашите очи ќе лутаат низ бесконечната шума со борови дрвја и нивните спектакуларни рефлексии додека се отсликуваат езерото.

Може да испланирате еднодневна авантура со планински велосипедизам, пешачење околу езерото или да пливате во него.

Секој од нас треба барем еднаш во животот да ја посети оваа вонсериска природна убавина.

(О)Милена | Црнобело