Српска инфлуенсерка воодушевена од нашиот бисер: „Охрид мора да се види барем еднаш во животот“

„Во Охрид сум била пред десетина години, но начинот на кој сега го доживеав и приказните што ги слушнав за него се сосема поинакви... Охрид е Ерусалим на Европа.“, раскажува Јована Квржиќ од Србија, која со години веќе патува низ светот и на совршен начин ги доловува посетените дестинации.

Јована Квржиќ е Србинка која со години патува низ светот и ја претставува убавината на посетените дестинации на својот Инстаграм профил со повеќе од 85.000 следбеници.

Деновиве таа престојува во Охрид и оттаму споделува впечатоци:

„Охридското Езеро го викаат македонско море и поради неговата големина токму така и се чувствувате, дури и мирисот е морски. Тоа е едно од најдлабоките езера во цела Европа, а во некои делови длабочината достигнува и до 300 метри. Старо е околу 5 милиони години и е единствена локација која е под заштита на УНЕСКО. Од таа причини сега речиси и да не можете да видите лежалка или некаква конструкција на неговиот брег.

Се наоѓа на 700 метри надморска височина и има одлична клима. Летата не се претопли, зимите не се престудени. Ме зачуди колку е пријатна температурата на водата, би рекла околу 25/26 степени, совршено за пливање.

Во Охрид сум била пред десетина години, но начинот на кој сега го доживеав и приказните што ги слушнав за него се сосема поинакви.

Охрид е Ерусалим на Европа. Затоа што во еден миг имал 365 цркви, по една за секој ден.

Музеј на отворено. Бидејќи мештаните не сакаат да ги реновираат своите куќи каде и да се стави лопата се пронаоѓа нешто од историска вредност, што може да значи дека ќе треба да се преселат.

Продолжува на следната страна...