„Балканскиот Ерусалим“ – бугарскиот манастир Рила е божествена убавина која секој треба да ја види еднаш во животот (фото)

Рилски манастир е најголемиот и најстар православен манастир на Балканот. Наречен уште и „Балканскиот Ерусалим“, манастирот е лоциран во југозападниот дел од планината рила во Бугарија, на надморска висина од 1.147 m, на влезот на реките Друшлевица и Рилска. Основан е во текот на 10 век, од страна на првиот бугарски монах-пустиник Јован Рилски.

Од Софија е оддалечен околу 117 km, што значи дека прилично брзо може да стигнете до него. Овој скриен бисер на Балканот, колевка и столб на бугарскиот дух и народност има бројни признанија за културната и уметничката вредност.

Уништен од пожар на почетокот на 19 век, комплексот бил повторно изграден помеѓу 1834 и 1862 година. Од 1961 година, Рилскиот манастир е претворен во Национален музеј, а УНЕСКО го прогласил целиот комплекс за споменик на културата од светско значење.

Интересно е што манастирот е прикажан на бугарската банкнота од 1 лев.

Ова свето место мора да го посетите барем еднаш во животот и да го почувствувате мирот и спокојот.

Некои места дишат со богата историја, Рилскиот манастир е несомнено едно од нив:

(O)Милена | Црнобело