4 корисни интернет платформи што секој патувач и авантурист мора да ги испроба

Предлог 1: Ќе започнам со апликацијата за која сметам дека ни е најпотребна на сите, а тоа CouchSurfing. Тоа е платформа за бесплатно сместување по домови кај луѓе што претходно никогаш ги немаш сретнато во живот.

Јас секогаш мечтаам по некоја далечна дестинација и неуморно пробувам да се замислам себеси во некое поразлично опкружување.

Сакам интуицијата да ме води по скриени и тесни улички, да не планирам премногу, туку да уживам во она што сегашниот миг ми го сервира некаде далеку.

Затоа ви предлагам листа со корисни интернет платформи што секој патувач и авантурист барем еднаш во животот мора лично да ги искуси.

Пожелно е да се излезе од шаблонското патување и да се доживее нешто ново, поразлично и незаборавно.

Корисни платформи:

Ќе почнеме со апликацијата за која сметам дека ни е најпотребна на сите, а тоа CouchSurfing. Тоа е платформа за бесплатно сместување по домови кај луѓе што претходно никогаш ги немаш сретнато во живот.

Колку и да ти звучи сомнително, воопшто нема потреба од паника. Моето лично искуство брои над стотина престои во различни домови.

Користењето е едноставно, се најавуваш со својот профил, бираш место кое сакаш да го посетиш и испраќаш персонализирано барање за сместување… И чекаш одговор.

Едни од најинтересните патувачки искуства потекнуваат токму од оваа платформа. Уште нешто, се плаќа некоја членарина во зависност од каде потекнувате. Ништо страшно!

Оние кои сакаат да патуваат на подолг период многу често се одлучуваат да ја искористат платформата Workaway, каде можеш да си обезбедиш сместување и храна, а за возврат треба да си достапен по неколку часа дневно за извршување на обврските и задачите за кои ќе се договориш со домаќинот.

Како да беше вчера кога волонтирав во хостел во Португалија, во храм на Кришна во Белгија или во училиште во Данска. Тоа што го доживеав таму засекогаш ќе остане впиено во мене и благодарен сум што имав можност да го доживеам сето тоа.

Ако некогаш одлучиш да патуваш со велосипед тогаш платформата WarmShowers е измислена за тебе.

Првенствено е наменета за сите луѓе кои заминуваат на подолго патување со својот велосипед и тука ќе најдеш заедница на фини луѓе од секаде во светот. Ем бесплатно сместување, понекогаш и вкусна вечера, и секако, ново познанство и пријателство.

Понекогаш кога патуваме добиваме желба да каснеме нешто готвено, а не цело време да јадеме во ресторани или брза храна. Токму апликацијата EatWith ти овозможува да резервираш ручек или вечера со локалци, да бидеш дел од некој приватен кулинарски настан.

Изборот е голем, од заедничко подготвување на традиционални јадење, до дегустирање на храна, вино, како и тури низ маркети за храна и слично.

Испробај го ова поразлично доживување. Јадењето во друштво често знае да биде позабавно.

Е. Х.| Црнобело