Костарика - раскошна убавина

Дали би сакале да отпатувате на некое егзотично патување? Сеуште има време за тоа. Ова е нашиот предлог. Костарика најдобро може да се опише како...

...рајска градина преполна со шарена поезија.

Кристофер Колумбо бил првиот европеец кој во 1502 година стапнал на тлото на Костарика – на „богатиот брег“, како што самиот ја нарекол.

Но, не бил потполно во право: не е само нејзиниот брег богат – целата земја изобилува со раскошна убавина.

До април во Костарика владее идеална клима за релаксација на брегот на Тихиот океан. Единствен, по убавината, е брегот кој му припаѓа на националниот парк Мануел Антонио. Неговите два залива Сепадила Сур и Мануел Антонио се поделени само со карпите Пунта Катедрал и подеднакво планат со убавината како и Плаја Еспадилла. Костарика е сигурна земја за патување. Службен јазик е шпанскиот.

Во главниот град – Сан Хозе се наоѓа најубавата градба во земјата, ренесансниот театар Театро Национал. Кафето во оваа земја е национален напиток. Ако наминете во Esquina del Cafe, овој омилен пијалак на вашата маса ќе дојде директно од плантажа за кафе, непреработен и без додатоци.

Покрај кафето во Костарика се одгледуваат и банани како и шеќерна трска. А, ако сакате да ја пробате разновидната кујна на оваа земја богата со риба и морски плодови, најдобро би било за рестораните да ги прашате локалните жители. Жителите на Костарика 87% се Креоли.

Тие во главно се занимаваат со сточарство, преработка на свила, рибарство, шумарство и секако- туризам. Во земјата има и пронаоѓалишта на злато, сребро и хематит.

Доколку ви е страв да го гледате активниот вулкан, ви предлагаме да го посетите згаснатиот вулкан Иразу, чија природна убавина ќе ве воодушеви.

На дното од изгаснатиот вулкан се наоѓа зелено езеро. Ако пак сте меѓу оние храбрите, отидете да го постите активниот вулкан Аренал на истоименото езеро. Подеднакво е спектакуларно и возењето со жичарата низ испреплетените крошни на тропската шума Рара Авис.