5 места во Истанбул за совршени Инстаграм фотки – мора да ги посетите

По цена од околу 400 денари, можете да си направите професионална фотосесија во студиото Taht кое е сместено на покрив од зграда и нуди прекрасен поглед над градот.

5-mesta-vo-istanbul-za-sovrsheni-instagram-fotki-mora-da-gi-posetite-01.jpg

Истанбул е огромен град со богата култура и историја, па навистина има што да се види во него.

Сепак, покрај познатите знаменитости како Аја Софија и Капали чаршија, градот крие и многу други уникатни места кои можат да бидат совршена локација за вашите Инстаграм фотки.

Во продолжение пет вакви места кои вреди да ги видите:

Ресторанот Seven Hill

Сместен речиси веднаш до Аја Софија (Света Софија) и Сина џамија, овој ресторан нуди прекрасен поглед на познатите градби.

Покрај одличните фотки што ќе ги направите овде, можете да уживате и во богатото мени кое нуди многу традиционални јадења.

Taht

Ако една од главните цели во Истанбул ви е да направите волшебни фотки, мора да го посетите студиото Taht. Студиото за фотографирање се наоѓа на покрив на зграда и нуди неверојатен поглед кон градот.

Покрај тоа, можете да си направите и разни фотосесии инспирирани од турската традиција и култура, како и фотосесија во неколку разилчни уникатни студија. За ова ќе треба да одвоите 100-тина турски лири (околу 400 денари).

Balat

Balat е соседство во Турција познато по живописните градби и шарените скалила. Па, јасно е дека овде можете да направите одлични фотографии.

Дворецот Долмабахче (Dolmabahçe Sarayı)

Овој дворец чија изградба завршила во 1856 година денес служи како музеј. Во поголемиот дел од внатрешноста на дворецот не смеете да се фотографирате, но екстериерот изгледа неверојатно и е одлична локација за фотографирање.

Улицата Hoca Tahsin

Позната како улица на чадорите, оваа улица е препознатлива по токму тоа – чадорите што се закачени над неа.

За добра фотографија на оваа улица нема да треба да се трудите многу бидејќи самите чадори создаваат волшебна атмосфера.

https://www.instagram.com/p/CT9Iq6yIhM9/

https://www.instagram.com/p/CI_S5fOMhAm/

https://www.instagram.com/p/B4992mFHLvk/

Спирова С. | Црнобело

Би можело да ве интересира:

Чистење на чевли, возење со такси: Кои се најголемите туристички замки во Истанбул? Живеам во Истанбул веќе некој период и ќе ви раскажам за неколку туристички замк...
Најдобрите места за забава во Истанбул - каде излегуваат младите? Ноќниот живот во Истанбул е активен, динамичен и привлечен. Турците сакаат да се...
На кои плажи и места во Грција морето е најтопло? Во Паралија, како и на островот Родос, има многу плажи каде што морето е многу т...

Најчитани неделава

sonovnik-sidebar.jpg