20 плажи во Европа кои вреди да ги посетите во 2022

Ile de Porquerolles, Франција

Ова е всушност островче во Франција со површина од 12-тина километри квадратни.

Островчето изгледа прекрасно, има богата вегетација и, секако плажи со бел песок.

Бидејќи е мало, лесно ќе можете да ги прошетате сите плажи.

Rauðasandur, Исланд

Ова е огромна и практично празна плажа со песок со бронзена боја. Не е најпогодна за пливање и сончање, но кога ќе ја видите во живо, ќе сфатите дека вреди барем да прошетате низ неа.

Praia as Catedrais, Шпанија

Оваа плажа неретко е нарекувана и „Катедрала“ поради формациите на околните карпи кои изгледаат како кули и имаат мали пештери.

Препорачливо е да ја посетите за време на осека, кога златните песоци се целосно откриени.

Свети Стефан, Црна Гора

Познато како едно од најлуксузните летувалишта на Јадранот, Свети Стефан е островче во близина на Будва.

Овде доминираат хотелите, па островот е нарекуван и „град-хотел“. Во околината има неколку плажи, а која и да ја посетите, нема да погрешите. 

Lara Beach, Кипар

Можеби не е едноставно да се стигне до оваа затскриена плажа во Кипар, но навистина вреди да ја видите ако имате можност.

Патот до плажата е нерамен и веројатно ќе ви треба теренско возило, но плажата е речиси недопрена од луѓе и нема да ве остави разочарани.

Zlatni Rat, Хрватска

Како една од најпознатите плажи во Хрватска, Zlatni Rat е речиси постојано полна.

Со својот уникатен изглед, привлекува бројни туристи во летната сезона, па ако имате можност, осигурете се дека ќе ја видите.

Dueodde, Данска

Можеби Данска не е дестинација што би ја одбрале за летување, но ако некогаш се најдете таму, вреди да ја посетите оваа плажа.

Ако сакате самотија и прошетки по плажа, ова е совршена дестинација за вас.

А, бидејќи одоколу речиси и да нема ништо, плажата изгледа уште подобро навечер кога е осветлена само од ѕвездите и светилникот во близина.

Keem Bay, Ирска

Околните зелени полиња, надреалниот див пејзаж и околните стрмни карпи се нешто што вреди да се доживее.

И ова не е погодно место за капење, но ако имате среќа, можно е да забележите и по некоја ајкула.

Myrtos Beach, Кефалонија

Ова е една од поубавите грчки плажи и се наоѓа на Кефалонија, Грција. Сместена е помеѓу високи карпи и изгледа како да е целосно изолирана од остатокот од островот.

Покрај тоа, речиси белиот песок и тиркизната вода ја прават една од најпопуларните дестинации во летната сезона.

Spiaggia dei Conigli, Сицилија

Сицилија крие многу прекрасни плажи, но речиси ништо не се споредува со оваа.

Песокот има бела боја, а водата е многу плитка, што значи ова е совршено место ако не знаете да пливате или одите со мали деца.

До плажата може да се стигне само со брод или пеш, но целото искуство вреди.

Спирова С. | Црнобело