Кратка прошетка во Хонолулу

Хонолулу или во превод заштитениот залив, е главен град и пристаниште на американската сојузна држава Хаваи. Сместен е на јужниот брег...

...на островот Оаху и има 371.657 жители.

Климата е топла, со просечна температура меѓу 20 и 30 степени Целзиусови, а во самиот залив на овој град сместени се големи плантажи шеќерна трска и ананас.

Ако се одлучите да патувате на едно од најпопуларните места на светот, ви препорачуваме тоа да биде од април до јуни и од август до октомври кога цените се малку пониски, што има големо значење ако се одлучите да останете барем малку подолго.

Инаку, не се препорачува да седите помалку од 5 дена, со оглед на тоа колку е далеку, временската разлика, и времето потребно да се привикнете на климата, а да не спомнуваме и сè што треба да видите и посетите на Хаваите.

Најпознато туристичко место е плажата Ваикики, и секогаш е преполна со туристи. Но, сепак и овде може да си најдете ќоше каде ќе може да уживате во тишина. Оваа плажа е идеално место за капење и сурфање.

Тука е и плажата Ала Моана Парк со големи зелени површини, совршена за семејства и мирно пливање.

Хонолулу вреди да се посети пред се заради гостопримливите домаќини. Овде навистина ќе се чувствувате опуштено и пријатно.

Музејот со хавајски артефакти е едно од местата за кое треба да одвоите неколку часа.

Што уште овде вреди да се види:

- Аквариумот Ваикики

- Театарот Хаваи

- Зоолошката градина во Хонолулу

- Национална меморијална гробница на Пацификот

- Палатата Лолана

- Академијата на уметности во Хонолулу

- Музејот Бишоп

- Ботаничките градини Фостер

- Дијамантската глава

- Паркот Капиолони