Тивок и величествен – Пераст, еден од скриените бисери на Црна Гора (фото)

Изгледа како парче од Венеција што пловело по Јадранот и се закотвило во Которскиот залив - Пераст дише со меланхолични спомени од деновите кога бил богат и моќен. И покрај тоа што има само една главна улица, овој мал град може да се пофали со 16 цркви и 17 поранешни големи палати.

Според пописот од 2011 година, местото броело вкупно 269 жители. Тивок и величествен, овој мал град е парче рај кое ја заслужува вашата посета.

Пераст е сместен во подножјето на ридот Свети Илија во Которскиот залив. Името го добил по илирското племе Пируста, а за раното населување на овој крај сведочат праисториските остатоци пронајдени во пештерата Шпил над Пераст.

Двете островчиња во близина на Пераст заслужуваат да се споменат – Свети Ѓорѓија и Богородица на карпите, кои се едни од најидиличните места во земјата.

Најдобриот начин да се посети регионот е со брод кој тргнува од Котор до Пераст.

Како изгледа тивкиот, волшебен Пераст во Црна Гора?

(O)Милена | Црнобело