Следете ги попустите на социјални мрежи и уште 4 трикови за барање евтини летови

Сигурно сте слушнале дека има луѓе кои цело време патуваат за само неколку евра, но се чудите како ги наоѓаат овие зделки? Ако сакате да знаете како да најдете евтини авионски билети, продолжете да читате!

Овие луѓе најчесто не се ограничени со точни датуми и места, едноставно сакаат да патуваат, а користат шанси за добри зделки. 

Трикови кои ги користат луѓето што патуваат со авион за евтини пари:

Барајте билет 4-5 месеци пред посакуваниот датум

Одличен совет е да почнете да размислувате за купување авионски билет 4-5 месеци пред посакуваниот датум.

Во тоа време, авиокомпаниите, врз основа на процентот на зафатеност на летовите, почнуваат да „фрлаат“ интересни понуди на пазарот.

Купувајте ги билетите во одредени денови

Цената на истиот авионски билет, купена, да речеме, во четврток навечер и петок наутро, може да се разликува за 10-20%.

Најпрофитабилните денови за купување се вторник и среда, кога се ажурираат базите на податоци на авиокомпаниите.

Многу луѓе тврдат дека идеално време е среда после полноќ и споделуваат дека е поисплатливо да се купуваат авионски билети ноќе.

Пребарајте повеќе веб-страници

Не сите авиокомпании ќе бидат претставени на сите веб-страници, така што пребарувањето на различни места ќе ви ја донесе најдобрата цена и ќе ви даде повеќе опции.

Проверете најмалку три веб-страници како Expedia, eDreams или Kiwi, а потоа проверете ги веб-страниците на авиокомпаниите што летаат на таа рута.

Можеби на нивната официјална веб-страница ќе најдете дури поевтин билет.

Користете Google Flights

Кога барате авионски билети, освен што можете да пребарувате на горенаведените веб-страници, можете и многу лесно и практично да најдете добри зделки преку Google Flights.

Првото што треба да го направите е да ја внесете  вашата посакувана дестинација.

Односно денот во кој сакате да патувате и да се вратите, најдобро е да одберете флексибилни датуми за да добиете повеќе опции.

Следете ја авиокомпанијата на социјалните мрежи

Сите работи се на социјалните мрежи денес и тоа не е исклучок за сите авиокомпании ширум светот.

Тие ги користат нивните социјални мрежи за споделување на некои од најдобрите зделки. Ако сакате да бидете помеѓу првите што ќе дознаат кога има најевтини билети, треба да ги следите.

Неколку авиокомпании кои имаат летови од и до Македонија се: Wizzair, Lufthansa, Turkish Airlines, Pegasus, Qatar Airways, Air Serbia, LOT Polish Airlines, Croatia Airlines, Austrian Airlines, SWISS.

M. Г. | Црнобело

Фото: pixabay.com / depositphotos.com