Секој родител треба да прочита: 5 работи за кои никогаш не смеете да им се потсмевате на вашите деца

Нема потреба од коментари како: „Малото мамино прасенце“, „Каде е татината буцка?“... Поткопувањето на самодовербата е процес кој речиси секогаш се случува без лоши намери.

Многу родители имаат навика да се шегуваат со децата и по малку да се потсмеваат на нивна сметка на одредени теми.

Тоа е невино и симпатично на прв поглед, но за децата може да биде непријатно.

Иако родителите на тој начин мислат дека креираат близок однос со нивните малечки, нема потреба од тоа. Децата треба да видат почит во очите на родителите за да се чувствуваат добро.

Секое задевање во нив буди милион прашања и несигурности.

Теми на кои не треба да се шегувате со децата:

Килограми

Дури и да ви изгледа дека детето воопшто не се лути и не е под стрес, ова не треба да го правите никогаш.

Нема потреба од коментари како: „Малото мамино прасенце“, „Каде е татината буцка?“...

Поткопувањето на самодовербата е процес кој речиси секогаш се случува без лоши намери.

Симпатија

Престанете за секое дете од спротивниот пол со кое вашето дете си игра да прашувате дали му е симпатија.

„Ммм, многу често ми ја/го зборуваш Сара/Андреј... Дали ти е симпатија? Кажи ми...“

Изглед

Децата многу лесно може да станат несигурни и какво било задевање на тема на нивниот изглед може да доведе до тоа.

„Каде е малиот Дамбо на мама?“

Никако немојте со вакви коментари!

Срамежливост

„Тој/таа е секогаш таков/а... Ајде опушти се, па нашата сосетка не јаде мали деца!“

Вашето дете е внимателно во комуникацијата со луѓе кои не му се доволно познати и тоа не е никаков недостаток.

Не го задевајте поради тоа и дозволете му да се опушта на свој начин и со свое темпо.

Кога ќе погрешат

Некои грешки кои ги прават децата се бескрајно симпатични. Но, кога ние ги прераскажуваме и се смееме на нив, децата гледаат само потсмев.

Ако сакаме да им ја сочуваме самодовербата, ќе им помогнеме да научат за нареден пат да не погрешат и за тоа никогаш не им се смееме.

С. С. | Црнобело / фото: depositphotos.com