Совети за родители: Како да разговарате со ќерка ви за (првата) менструација?

Едуцирајте ја за менструацијата и промените кои доаѓаат со неа и научете ја како правилно да користи хигиенски влошки. Што друго можете да направите за да ја подготвите вашата ќерка за првата менструација?

Дел од тинејџерските години за секоја девојка е и менструацијата. Некогаш првиот менструален циклус може да се јави и порано, па важно е родителите е да ги подготват нивните ќерки за оваа промена.

Но, неретко и самите родители не знаат како да пристапат на оваа тема.

Ако сте во ваква ситуација, можеби следниве совети ќе ви бидат од помош:

Охрабрете ја отворената комуникација

Важно е вашата ќерка да знае дека со вас може да зборува отворено за женското здравје, без чувство на срам.

Првиот пат вие иницирајте го разговорот и дозволете ѝ да ви ги постави сите прашања што ја интересираат.

Едуцирајте ја

Објаснете ѝ на ќерка ви за менструалниот циклус со јазик соодветен за нејзината возраст.

Кажете ѝ за промените со кои ќе се соочи нејзиното тело, но и за емотивните промени кои можат да настанат поради хормоналните промени.

Покажете ѝ како да користи хигиенски влошки

Хигиенските влошки се неопходно помагало за жените за време на менструација, па не заборавајте да ѝ покажете на ќерка ви како да ги користи.

Објаснете ѝ и дека постојат влошки со разни големини и дека не треба да се срами да ви побара поголеми доколку има пообилно крвавење.

Кажете ѝ и колку често треба да ги менува влошките, но и како соодветно да ги фрли во корпата за отпадоци. Секако, нагласете дека влошките никогаш не треба да се фрлаат во тоалетната школка.

Продолжува на следната страница...