Не ги плашат со Баба Рога: Како Јапонците ги воспитуваат децата секогаш да бидат мирни и учтиви?

На нивниот начин на вопитување се воодушевува целиот свет. Јапонците не се служат со закани при воспитувањето на децата, не ги запишуват во градинка и не ги оставаат на баба и дедо да ги чуваат.

Јапонија е земја на која многумина ѝ се восхитуваат поради многу причини, а една од најголемите е начинот на воспитување на децата.

Сите сме имале можност да слушнеме колку Јапонците се упорни и истрајни и никогаш не ја губат присебноста. 

Такви се затоа што биле такви како деца и на тој начин биле воспитувани.

Нивните деца се многу поразлични од децата од Западот.

Тие се умерени и добро воспитани, ги слушаат родителите и никогаш не стануваат хистерични и бесни. Која е тајната?

Јапонците многу ги ценат семејните врски

Кај нив има близок однос меѓу старите и младите заснован на длабоко сочувство и взаемна грижа, што, за жал, не може да се види никаде на друго место во светот. 

Старите луѓе во Јапонија се сметаат за извор на мудрост и уживаат посебно внимание и почит.

Од друга страна, старите луѓе имаат многу трпение и љубов кон младите.

Старите Јапонци се однесуваат како ментори, а не како критичари и спроведувачи на казни. 

Во исто време, тие имаат многу строги граници. На пример, се смета дека е неприфатливо бабите и дедовците да одгледуваат внуци, бидејќи родителите немаат доволно време. 

Семејните врски во Јапонија не се засноваат на „размена на услуги“, туку на верување дека сè на овој свет има свое место.

Родителите се трудат да ги научат децата на емпатија

Кревањето на тонот на гласот на дете во Јапонија е еднакво на сите други, сурови казни.

Доколку детето скрши играчка или не се однесува добро не се служат со закани од типот „Ќе дојде полицаецот по тебе“, или „Сега, ќе ја викнам Баба Рога“, туку го казнуваат со строг поглед или гест кој означува неодобрување.

Децата уште од раното детство учат да бидат свесни и да се грижат за сѐ околу себе.

Најголемата тајна е слободното време

Јапонците слободното време го поминуваат со своите деца. Учењето не го сметаат за посебна активност, туку сè прават заедно.

Во Јапонија многу ретко се случува мајка да запише дете во градинка ако нема најмалку три години. 

Јапонките ги носат своите деца со нив буквално секаде, бидејќи веруваат дека таквата физичка блискост создава длабоки и силни врски.

Бебињата спијат во иста соба со родителите

Оваа блискост помага во градењето на силни емоционални врски меѓу родителите и децата.

Децата се капат со родителите

Оваа пракса не е вообичаена во многу други култури и може да делува необично, но во јапонската култура мајките се капат со децата додека не наполнат 16 години.

Оваа интимност допринесува во зајакнување на врската меѓу родителите и децата, пружајќи им чувство на сигурност и прифаќање.

С. Ш. | Црнобело / фото: freepik.com