5 пози што ќе им го олеснат доењето на новите мајки

Ако вашето малечко безуспешно се обидува да се „намести“ правилно, не очајувајте. Секое бебе е различно, а пробувањето на различни пози на доење честопати може да ви даде позитивен резултат. Кои пози да ги испробате за подобро искуство со доењето?

Доењето може да биде многу убаво и незаборавно искуство, но честопати, барем на почетокот, тоа и не е толку лесно. Еден од најчестите предизвици со кои се соочуваат новите мајки, се нивните брадавици.

Ако вашето малечко безуспешно се обидува да се „намести“ правилно, не очајувајте. Секое бебе е различно, а пробувањето различни пози на доење честопати може да ви даде позитивен резултат.

5 пози за доење кои можат да ви помогнат:

Држење во раце како во позиција за лулање

Оваа позиција со право е најчесто користена. Таа е природна, удобна и обезбедува одлична контрола како за мајката, така и за бебето.

Седнете исправено со добра поддршка на грбот. Држете го бебето блиску до телото, како во позиција за лулање.

Нежно повлечете ја главата на вашето бебе кон градите, а притоа осигурете се дека увото, рамото и колкот се добро наместени. Доближете му ја брадата најпрво до градите, а потоа отворете му ја устата со нежно галење по образот.

Вкрстена позиција

Седнете удобно, со потпрен грб. Фатете ги главата и вратот на бебето со спротивната рака, а неговата рака треба да биде преку вашите гради.

Приближете го бебето до вашето тело, внимавајќи на увото, рамото и колкот. Повлечете го нежно кон градите, а потоа отворете му ја устата и поттикнете го да се прилепи до вашата града.

„Фудбалско“ држење

Оваа позиција го ублажува притисокот врз вашиот стомак, што ја прави идеална за доење после царски рез.

Потпрете се на перница и држете го вашето бебе под раката, со стомакот и главата свртени кон вас и вашите гради. Со раката дофатете ја градата и повлечете го бебето кон неа.

Лежење на страна

Оваа положба е одлична за ноќни подои или кога сте премногу уморни. Легнете на страна свртени кон вашето бебе, потпрени на перница.

Приближете го бебето кон вас со главата свртена кон градите и нежно доближете го до вашите гради, па поттикнете го да започне со цицање.

Навалена положба

Оваа положба ја користи гравитацијата за да му помогне да вашето бебе да започне со цицање и е особено погодна за новите мајки. Легнете удобно на кревет или на стол, потпирајќи се на перница.

Држете го бебето над вас, со главата свртена кон вашите гради и наведнете ја неговата брада за подобро да ја дофати вашата брадавица.

М. Ѓ | Црнобело