Паметни на мама, а не на тато: Зошто децата интелигенцијата ја наследуваат од мајките?

Науката дала одговор на прашањето „Од кого децата ја наследуваат интелигенцијата?“ и тој нема да им се допадне на татковците што сакаат да се фалат дека нивните деца се паметни како нив. Кое е научното објаснување и зошто децата најчесто интелигенцијата на наследуваат од мајките?

Мајките и татковците често знаат да се шегуваат со тоа од кого нивните деца ги наследиле позитивните особини, а научните докази нема да им се допаднат на татковците кои тврдат дека нивните деца се паметни како нив.

Познато е дека жените имаат XX хромозоми, а мажите XY хромозоми, кои се одговорни за пренесување на гените.

Според истражување од 2016-та година, гените што се одговорни за интелигенцијата се пренесуваат со помош на X хромозомите, од кои жените имаат по два, а мажите само по еден.

Оттука, шансите интелигенцијата да биде наследена од мајката, а не од таткото, се двојно поголеми.

Дополнително, истото истражување покажало дека гените за напредна когнитивна функција може да бидат автоматски деактивирани ако потекнуваат од таткото.

Но, тука мора да се земе предвид дека генетиката не е пресудна кога станува збор за развојот на интелигенцијата кај личноста.

Генетиката може да учествува со 40 до 60 отсто, а на остатокот во најголема мера влијае опкружувањето и средината во која расте детето.

Се смета дека силната врска со мајката на детето му пружа чувство на сигурност во периодот кога почнува да го истражува светот и да ги решава проблемите.

Освен тоа, најчесто мајките се тие што работат со децата и им помагаат во решавањето на проблемите и им помагаат да го остварат својот полн потенцијал.

Секако, улогата на татковците не може да се занемари, затоа што од нив децата ги наследуваат интуицијата и емоциите, а кои исто така влијаат врз развојот на интелигенцијата.

Б. С. Б. | Црнобело