Предмети во детската соба кои можат да бидат опасни за бебиња и многу мали деца

Перница во бебешкото креветче и играчки со магнети – некои предмети можат да претставуваат опасност за мали деца и бебиња, особено кога се без надзор.

Секој родител знае дека треба да внимава на буквално секоја ситница додека детето е многу мало. Бидејќи, доволна е само една секунда невнимание за да се случи нешто лошо.

За да ги избегнете потенцијалните незгоди со вашето малечко, добро би било да бидете свесни и кои предмети што ги перципираме како безопасни, некогаш можат да предизвикаат проблеми.

Дел од нив во продолжение:

Навлажнувач на воздух

Ова генерално зависи од видот на навлажнувачот на воздух.

Некои од првите модели кои биле достапни на пазарот се оние што го навлажнуваат воздухот со пареа. Односно, ја зовриваат водата и таа испарува.

Овие навлажнувачи се генерално побезбедни бидејќи со вриењето се уништуваат сите бактерии кои инаку би биле разнесени во воздухот.

Од друга страна, навлажнувачите кои користат ладна вода можат да го поттикнат разнесувањето на штетни микроби низ собата.

Навлажнувачот за воздух не значи дека ќе му предизвика сериозна штета на бебето, но секогаш е добро прво да се консултирате со лекар кој ќе ви каже дали воопшто ви треба и ќе ви помогне да изберете модел.

Играчки со магнети

Целосно избегнувајте ги играчките со магнети додека вашето дете не порасне доволно за да не става работи во уста.

Ако детето (или бебето) голтне магнет, тој може да предизвика сериозна штета на неговиот дигестивен систем.

Мека преграда за креветче

Меките прегради за бебешките креветчиња изгледаат мошне удобно, но, колку и да звучи бизарно, нивното производство е забрането во САД од 2022-ра бидејќи се сметаат за опасни.

Наводно, статистиката покажала дека овие прегради можат да предизвикаат задушување на бебето.

Овде станува збор за прегради кои се врзуваат со креветот со врвки и не се прицврстени, што значи бебето лесно може да ги извади.

Перница во креветчето

Според WebMD, перниците не се безбедни за бебињата и треба да ги избегнувате.

Според експертите, најдобро е да почнете да користите перница дури откако бебето ќе наполни две години.

На оваа возраст, детето веројатно повеќе не спие во мало креветче, што значи има повеќе место за превртување во текот на ноќта.

Од друга страна, кога се многу мали, бебињата можат да се превртат на стомак и да се задушат од многу мекиот материјал.

Продолжува на следната страница...