Предмети во детската соба кои можат да бидат опасни за бебиња и многу мали деца

Ќебиња и прекривки

Не е препорачливо да го оставате детето само покриено со ќебенце додека не наполни барем една година.

Кога се покриени со ќебенце, бебињата лесно можат да си го префрлат врз главата и да се задушат.

Што значи, ако користите ќебенце, користете го само кога го гледате вашето бебе. Подобра алтернативна се вреќите за спиење.

Играчки со батерии

Проблемот во овој случај се самите батерии кои може да се извадат и детето да ги голтне.

А, последиците од ова можат да бидат навистина опасни.

Нестабилен мебел

Осигурете се дека креветчето на бебето е стабилно и издржливо и истото важи за секое парче мебел каде што ќе го ставате вашето дете.

Ароматични свеќи и освежувачи на воздух

Продуктите за освежување на воздухот можат да ги иритираат нежните дишни патишта на вашето бебе, без разлика колку се природни.

Покрај тоа, дури и кога станува збор за обична мирислива свеќа, не можете да знаете какви точно хемикалии испаруваат од неа кога ќе ја запалите.

Затоа, целосно избегнувајте ги овие продукти во присуство на бебе и мало дете.

Кадифени играчки со долго „крзно“

Во овој случај проблемот е тоа што кога крзното на играчката е подолго, на бебето може да му биде полесно да искорне делче од него.

Ако, пак, го стави во уста, може да се задуши.

Спирова С. | Црнобело