Спонзорирано од:
Спонзорирано од ОгласиЗаРабота.мк


Игра за креативен развој на децата: Како да им направите сенки со рацете?

Како да направите зајак? Или куче? Со овие туторијали лесно ќе научите како да направите 7 различни животни и да се забавувате со најмладите...

kreativna-igra-za-razvoj-na-decata-kako-da-im-napravite-senki-so-racete-01.jpg

Сенките со раце се одличен и забавен начин да им го привлечете вниманието на децата.

Не постои дете што нема да ужива додека му раскажувате некоја сказна, а на ѕидот со рацете ги доловувате движењата на животните преку нивните сенки.

Но како да ги направите?

Во продолжение следи мини туторијал како да направите 7 сенки од животни со рацете:

Елен

Со десната рака ставете го показалецот врз средниот прст, а малиот прст врз домалиот.

Во исто време, свиткајте го палецот во внатрешноста на дланката.

Левата рака допрете ја до десната, на зглобот каде што почнува палецот.

Раширете ги прстите и малку свиткајте ги навнатре.

kreativna-igra-za-razvoj-na-decata-kako-da-im-napravite-senki-so-racete-10.jpg

Краба

Раширете ги прстите од двете раце и благо свиткајте ги навнатре.

Палците од двете дланки свиткајте ги целосно за да не се гледаат.

Ставете ја левата врз десната рака како на илустрацијата.

kreativna-igra-za-razvoj-na-decata-kako-da-im-napravite-senki-so-racete-07.jpg

Птица во лет

Раширете ги дланките на двете раце, а прстите нека ви бидат споени еден до друг.

Дланките нека ви бидат свртени кон вас.

Ставете ја левата рака врз десната кај зглобовите, па палците од двете раце спојте ги еден кон друг.

kreativna-igra-za-razvoj-na-decata-kako-da-im-napravite-senki-so-racete-05.jpg

Лебед

Десната рака свиткајте ја кај лактот па испружете ги малиот и домалиот прст нанапред во хоризонтална положба.

Потоа свиткајте ги показалецот и средниот прст и спојте ги со палецот во круг (за да ја добиете главата на лебедот).

Левата рака испружете ја наназад преку лактот на десната за да ги направите телото со крилјата.

kreativna-igra-za-razvoj-na-decata-kako-da-im-napravite-senki-so-racete-08.jpg

Куче

Кренете го нагоре палецот на десната рака, а останатите прсти испружете ги хоризонтално, благо превиткани нанапред.

Кренете го и левиот палец, а превиткајте го показалецот кон другата рака.

Средниот прст од десната рака испружете го нанапред и со него допрете го ноктот на показалецот на десната рака.

kreativna-igra-za-razvoj-na-decata-kako-da-im-napravite-senki-so-racete-02.jpg

Коњ

Десната рака свиткајте ја кај зглобот за да формирате агол од 90 степени со раката.

Исправете го десниот палец, а останатите прсти нека ви бидат споени.

Спојте ги и прстите на левата рака, па испружете го палецот.

Допрете ги рацете една до друга колку што можете поблиску, а десната дланка потспуштете ја за да направите уста на коњот.

kreativna-igra-za-razvoj-na-decata-kako-da-im-napravite-senki-so-racete-03.jpg

Зајак

Малиот и домалиот прст на левата рака свиткајте ги навнатре за да ја допрат дланката, а средниот прст испружете го хоризонтално.

Показалецот малку свиткајте го во правец на палецот.

Потоа свиткајте го показалецот на десната рака да се допре со палецот.

Малиот и домалиот прст спојте ги и испружете ги нагоре.

Нагоре кренете го и средниот прст, но да биде одвоен од малиот и домалиот (за да направите уши на зајакот).

На крајот допрете ги левата до десната рака со надворешната страна и ќе добиетев сенка со фигура на зајак.

kreativna-igra-za-razvoj-na-decata-kako-da-im-napravite-senki-so-racete-06.jpg

А. Ј. | Црнобело

Би можело да ве интересира:

„Мојот живот пред децата vs. по децата и зошто не би го менувала за ништо на светот?“ Пред децата, мојата романтична љубов кон партнерот мислев дека е најдлабоката љу...
Бон-тон правила што секој родител треба да му ги каже на своето дете Научете ги децата дека не е во ред да прекинуваат некој додека разговара. Од поч...
Ги оптоваруваме со финансиските проблеми, очекуваме премногу од нив – Најчести грешки што ги правиме... Децата не се бесплатни бебиситери, ниту пак се наше рамо за плачење. Кои се најч...
Луѓе постари од 40 години откриваат: „Зошто не зажалив што немам деца?“ „Со партнерот ја имаме целата слобода што ја сакаме. Можеме да патуваме кога сак...
Како да ги натерате децата да средуваат во домот (и што е соодветно за нивната возраст)? Претворете го чистењето во игра и пуштете музика - неколку трикови што ќе ви пом...
Момче од Кореја (4) го расплака целиот свет, откако кажа зошто мисли дека родителите го мразат „Мајка ми ме мрази, не сака да си игра со мене“ – дете од Јужна Кореа ги освои с...

Најчитани неделава

sonovnik-sidebar.jpg