До бабите и дедото што откажуваат планови и ни го чуваат детето како свое – ви благодарам

Писмо до нашите родители - до бабите кои скришно ги откажуваат закажаните планови кога ќе ги прашаме „слободни ли сте?, до бабите и дедото кои бдеат со нас над нашето дете и до еден дедо кој не е помеѓу нас, но знаеме дека нè чува од горе.

do-babite-i-dedoto-shto-otkazhuvaat-planovi-i-ni-go-chuvaat-deteto-kako-svoe-vi-blagodaram-01.jpgфото: приватна архива

До бабите кои ми помагаа во деновите по породувањето и ми велеа – легни, поспиј, тука сме, ја чувамеви благодарам.

До бабите кои го думкаат нашето дете за да заспие, додека ние одмараме – ви благодарам.

До бабите и дедото кои одново учеа заборавени работи од времето кога ние сме биле бебиња, но успешно се снаоѓаат во својата улога на втори родители – ви благодарам.

До бабите кои скришно ги откажуваат закажаните планови кога ќе ги прашаме „слободни ли сте?“, само за да дојдат и да го чуваат нашето дете, а ние да излеземе – ви благодарам.

До бабите и дедото што бдееја цела ноќ над нашето дете заедно со нас, кога една непријатна ситуација ни го скрати животот, но за среќа заврши добро – ви благодарам.

До бабите и дедото што ѝ даваат безрезервна љубов на нашата ќерка и времето со неа го поминуваат во забава, смеа, но и учење нови работи – ви благодарам.

До бабите и дедото што секогаш сакаат да дадат залче плус, но сепак ги почитуваат нашите принципи на одгледување – ви благодарам.

До бабите и дедото што ни се ветер во грб и најголема поддршка во нашата одговорна улога на родители – ви благодарам.

До бабите и дедото што се спремни да одат до крајот на светот за да ѝ удоволат на нашата ќерка – ви благодарам.

И до еден дедо што не е помеѓу нас и никогаш не го запозна своето прво внуче, но знам дека нè чува од горе и се гордее – те сакаме.

Не знам дали некогаш ќе можеме да се оддолжиме, но никогаш не би било исто без вас.

©CRNOBELO.com Забрането преземање и копирање. Крадењето на авторски текстови и фотографии е казниво со закон.

М. M. | Црнобело

Би можело да ве интересира:

Писмо до моето дете: „Ти си мојата сјајна ѕвезда во овој темен универзум“ Мое дете... Ти си моето денес, моето утре и сите мои денови, по утрешниот. Ти си...
Илустрации за родители: Како да се справите со непријатните ситуации со вашите деца? Што да направите кога детето не сака да ги дели играчките или, пак, кога ќе науч...
7 работи што ги правам со моето дете, иако сите ме советуваа спротивно Ја земам во раце и ја прегрнувам кога плаче, иако велат дека не треба, бидејќи ќ...
Не сака да се дружи со деца, бега од врева - Дали и вие имате високо сензитивно дете? Вашето дете ги покрива ушите и му пречи врева, реагира на сѐ што е ново, ги забе...
Тешко е да живеете во брак кај што сте повеќе мајка отколку сопруга На жената ѝ треба алфа мажјак. Не ѝ треба маж кого ќе го влече наоколу како дете...
Kако да се справите со несаканите совети за децата, низ илустрации Како да реагирате на родителите што постојано се фалат со успесите на нивните де...

Најчитани неделава

sonovnik-sidebar.jpg