Бонтон правила на однесување што секој (добро воспитан) ученик треба да ги знае

Секогаш поздравувајте ги повозрасните и кон нив однесувајте се со почит, користејќи ја учтивата форма „Вие/ Вам“.

Одморот е време што треба да се искористи за ужинка, одење во тоалет, подготвување за следниот час, разговор и дружење со другарчињата и за извршување на должностите што ги имаат дежурните ученици.

Не е убаво да се расправате со другарчињата. Детето секогаш треба да знае секој проблем да го реши со убави зборови и со мирен тон.

Детето моора да знае да ги прифати различностите. Ако некој е поразличен од него, не значи дека е помалку вреден од него.

Кога сакате да разговарате со другарчињата по училишните часови, тоа секогаш треба да биде во пристојно време и да не е доцна навечер. Истото важи и кога комуницирате на интернет. Запомнете, можеби на родителите на другарчето нема да му се допадне нивното дете до доцна навечер да се допишува на интернет.

Водете сметка за личната хигиена. Детето треба да ги мие рачињата неколкупати во денот за време на одморите меѓу часовите. Исто така, непристојно е додека сте во училиште да го чепкате носот со прсти, за таа намена се користи шамиче.

Б. С. Б. | Црнобело