Низ илустрации: Како да најдете заеднички јазик со децата (и да ја подобрите комуникацијата)?

Не му ги забранувајте работите што му се важни

Можеби вам играњето фудбал со другарчињата ви е безначајно, но за детето ова е хоби од голема важност.

Штом детето завршило со училишните обврски и има слободно време, дозволете му да се посвети на работи што ги смета за важни.

Барајте совети од него

Детето ќе се чувствува сакано и ценето ако вие, како родител, некогаш побарате совет од него.

Дури и ако не ви треба, дури и ако е за ситница, одвреме-навреме консултирајте се со него.

Некогаш со ова ќе му помогнете и да си ги воочи своите грешки и слично.

Не ги потценувајте неговите чувства

Дури и ако не можете да разберете зошто детето е тажно или разочарано, дури и ако сметате дека неговите грижи се „детски“, не ги третирајте како да не се важни.

Секогаш давајте му простор на детето да ги сподели своите чувства и понудете му поддршка кога не се чувствува добро.

На овој начин ќе го научите да се справува со своите емоции, но и ќе ја стекнете неговата доверба.

Па, во иднина, кога ќе има и посериозни проблеми, нема да ги крие од вас и ќе знае дека сте овде за него.

Не ја заборавајте смислата за хумор

Преку хуморот, можете да му го подобрите расположението на детето во многу ситуации, а и ќе направите да се чувствува удобно и безбедно покрај вас.

Некогаш хуморот може да ви помогне и во воспитувањето – наместо да му држите сериозни лекции на детето, пробајте преку некоја шега да ја доловите поентата.

Децата подобро реагираат на хумор отколку на многу сериозни разговори.

Спирова С. | Црнобело