„Не морате среќното бебе да го правите уште посреќно“ и уште 6 корисни совети за идните родители

„Не морате среќното бебе да го правите уште посреќно. Ако вашето бебе е среќно додека си игра со лажичката 10 минути, оставете го на мир“.

Кои се најважните совети кои секој што станува родител за првпат мора да ги прочита?

Луѓе на Редит споделуваат мислења на оваа тема.

Совети кои навистина им помогнат на сите идни родители:

„Не морате среќното бебе да го правите уште посреќно. Ако вашето бебе е среќно додека си игра со лажичката 10 минути, оставете го на мир“.

„Дадете му на вашето дете колку што е можно повеќе блискост, љубов и прегратки, тоа не одлучи да дојде на овој свет, вие одлучивте, па сега ја имате одговорноста од него да израснете среќна и добра личност“.

„Првите денови од родителството се ужасни понекогаш и никој не ви кажува колку тешко може да биде, а светот едноставно очекува дека вие ќе се справите со тоа, па можно е да сте исфрустрирани, но тоа не ве прави лош родител“.

„Вие го познавате вашето бебе подобро од кој било друг, па работите правете ги така како што вие чувствувате, а не така како што другите ќе ви кажат. Секое дете е различно, учете во текот на процесот и бидете нежни кон себе“.

„Желбата некои работи да ги правите сами, без вашето бебе, не е себичност. Секому му е потребна пауза и одмор и не дозволувајте некој да ви наметне дека срамота е ако не сте со вашето дете во 100% од денот во секој ден до крајот на вашиот живот“.

„Ако вашето дете падне или се повреди, останете смирени, тоа ја гледа и чувствува вашата реакција, па ако сте смирени и тоа ќе остане смирено, а ако паничите и тоа ќе паничи“.

„Ако ве мачи мислата дали сте добар родител, тогаш самото тоа што се преиспитувате значи дека најверојатно сте добар родител“.

С. С. | Црнобело / фото: depositphotos.com