„Бидете подготвени за критика“ и уште 7 совети за да го подобрите односот со родителите

Ако сакате да го подобрите односот со родителите, не барајте прават работи за вас што можете да ги направите сами - во спротивно секогаш ќе ве гледаат како нивното мало, беспомошно дете.

Ако се расправате со родителите за секоја ситница (но и за големи работи), верувајте, не сте единствени.

Сите деца често се караат со своите мајка и татко - најлесно е ним да им се развикаат, на нив да го истресат бесот или со нив да се „подбуцнуваат“ за тривијални работи.

Можеби, причината за ова е што знаат дека родителот секогаш ќе им прости. А можеби затоа што навистина имаат толку спротивставени мислења со родителите, што секој разговор завршува со повишен тон.

Сепак, ако не сте дете, туку возрасна и зрела личност, размислете убаво дали вреди да се карате со родителите за сè?

Ако одговорот е НЕ, а вие сакате да имате помирен однос, исполнет со почитување, слога и љубов, тогаш прочитајте ги овие совети.

Некој од нив може да ви го подобри односот со родителите.

Што да направите?

Однесувајте се како зрела и возрасна личност, не како дете

Ако сакате да го подобрите односот со мајка ви или татко ви, не барајте од нив да прават работи за вас што можете да ги направите сами.

На пример, ако им барате пари или се жалите на нечие однесување кон вас, тогаш им покажувате дека зависите од нив како кога бевте дете.

Па тие и така ќе ве перципираат - како малото дете кое трча кај нив за помош, и најверојатно ќе ви помогнат.

Но, во следната ситуација кога ќе сакате да бидете независни, а тие ќе ви понудат помош - можно е да станете нервозни и да се искарате „затоа што не сте дете“.

Колку повеќе обврски преземате на себе, колку повеќе се грижите за себе, толку повеќе и вашите родители ќе се однесуваат со вас како со возрасна личност.

Отворено зборувајте за своите грижи со родителите

Секогаш бидете искрени со нив - отворено кажувајте им што ве мачи, што ве загрижува, што ве плаши.

Можеби мислите дека треба да ги чувате во себе негативните чувства за да избегнете конфликт, но верувајте - ќе се случи некоја банална работа по која ќе избувнете, и тогаш ќе кажете на глас сè што ви пречи.

Вадењето проблеми „од нафталин“ никогаш не е добра идеја и само го влошува односот.

А кога зборувате за тоа што ви пречи, правете го тоа нежно, со почит и обидете се да најдете заеднички излез од ситуацијата.

Најдете заедничко хоби/интерес

Родителите се луѓе кои придонесуваат за развојот на децата уште од првиот ден на нивното раѓање, набљудуваат како нивното чедо се развива, знаат што ги маи нивните деца и слично.

Па, кога ќе поминат тинејџерските години и фазата на константно незадоволство на детето, а ќе дојде периодот на зрелост, наместо да се тргнете од родителите - обидете се пак да се зближите.

Најдете заедничко хоби, некој интерес што ве врзува и поминувајте по неколку часа неделно посветувајќи се едни на други.

Тоа, дефинитивно ќе ве зближи.

Избегнувајте непријатни теми

Ако знаете дека одредени теми ќе предизвикаат силна (негативна) реакција кај вашите родители - избегнувајте ги.

Зошто свесно да влегувате во караница ако нема потреба за тоа.

Подобро да премолчите (и за деликатната тема да разговарате со некој друг) отколку постојано да се карате.

Продолжува на следната страница...