Важен потсетник за секој родител: Вашиот однос со партнерот за вашите деца е најголемата лекција

„Нашето однесување кон партнерот, постапките, тонот на гласот и начинот на кој ги решаваме несогласувањата пред децата ја обликуваат нивната претстава за тоа што значи љубов, почит и меѓусебна поддршка...“

Српскиот Инстаграм профил „Kutak za trudnice, porodilje, bebe i tate“ е посветен на родителството и семејниот живот, особено во првите и најчувствителни фази - бременоста, породувањето и првите месеци/години со бебето.

Има повеќе од 60.000 следбеници и постојано има добри поуки за родителите.

Овој пат фокусот е на односот на родителите и колку и како тој влијае врз децата.

Објава која треба да ја прочита секој родител:

„Односот меѓу родителите не е само огледало на нивната љубов, туку и темел врз кој ќе се гради емотивниот свет на нивните дечиња

Нашето однесување, постапките, тонот на гласот и начинот на кој ги решаваме несогласувањата пред децата ја обликуваат нивната претстава за тоа што значи љубов, почит и меѓусебна поддршка.

Децата, дури и кога се мали, ја чувствуваат и впиваат секоја ситница... Од начинот на кој се држиме за рака, до тоа како реагираме во стресни ситуации.

Ако често се гушкаме и покажуваме нежност, тие ќе научат дека љубовта се изразува преку допир, внимание и присуство.

Ако, пак, често сведочат на родителски расправии и нерешени конфликти, несвесно ќе го прифатат тоа како нормален начин на справување со работите.

Ако партнерите во заедницата комуницираат со почит, дури и кога не се согласуваат, децата ќе научат дека разликите може да се надминат мирно и со разбирање, а не со лутина.

Кога покажуваме дека умееме искрено да се извиниме, ги учиме децата на скромност и преземање одговорност.

На крајот, љубовта што си ја даваме еден на друг во присуство на децата создава безбедна средина во која тие растат емоционално здрави и сигурни.

Тој модел ќе ги следи низ целиот живот и ќе ги обликува нивните идни односи, и со пријателите, и со партнерите.

Затоа, секој пат кога ќе подадеме рака, ќе се извиниме или едноставно ќе покажеме внимание, не го правиме тоа само за нас, туку и за нив, за нашите деца, кои токму така ќе научат како да сакаат, да почитуваат и да градат здрави односи во иднина“.

Се согласувате ли?

С. С. | Црнобело