10 совети како да израснете независни деца (ќе ви бидат благодарни еден ден)

Создадете средина што поттикнува независност

Дозволете им сами да носат одредени одлуки (од избор на облека до избор за работи на училиште).

Дајте им простор кога им е потребен. Времето за сами себе е здраво и им овозможува да размислат и да направат сопствени планови.

Покажете им дека верувате во нив

Искажете ја вашата гордост за нивните достигнувања. Пофалете го трудот и вложената работа, а не само резултатот.

Ако го пофалувате само успехот, децата ќе почнат да мислат дека неуспехот е нешто лошо.

Научете ги да се залагаат за себе

Не интервенирајте веднаш кога ќе се појави проблем. Разговарајте со децата за начини како можат самите да се изразат и да се заштитат.

Можете дури и да вежбате преку улоги за да се подготват како да постапат во вистинска ситуација.

Поттикнете ги да излезат од својата комфорна зона

Растот се случува кога децата преземаат ризик и излегуваат од својата удобност.

Поттикнете ги да преземат предизвици, дури и кога постои реална можност за неуспех.

Дозволете им да прават грешки и да не успеат

Научете ги дека неуспехот е една од можните последици и дека му се случува на секого. Тоа не е нешто што треба да ги плаши.

Ако ги научите дека е во ред да продолжат да се обидуваат, ќе им дадете самодоверба да пробуваат нови работи и кога ќе станат возрасни.

С. С. | Црнобело / фото: depositphotos.com