Српски педијатар открива – дали од ладниот сладолед може да ги заболи грло децата?

„Ладниот сладолед не може да го воспали грлото на здраво дете. Тоа е потполно јасно. Тоа може да го направат бактерии, вируси или микроорганизми. Не чини често да се јаде за детето да не се ‘навлече’ на него, па потоа нема да сака други работи. Но, за грлото, немајте грижи“ - вели српски педијатар.  

Во летниот период, родителите на мали деца често ги мачи едно прашање – дали е во ред да се дава ладен сладолед?

Постои верување дека ако децата јадат ладен сладолед, може потоа да ги заболи грло и да настинат.

Но, дали е тоа вистина или станува збор за мит?

Српскиот педијатар, д-р Горан Вукомановиќ, дава одговор на ова прашање:

„Сладоледот е намирница која не е штетна заради температурата, кога се консумира повремено и во мали количини. Проблем е шеќерот во сладоледот. Не треба да се претера заради шеќерот.

Ладниот сладолед не може да го воспали грлото на здраво дете. Тоа е потполно јасно. Тоа може да го направат бактерии, вируси или микроорганизми.

Доказ за тоа е фактот дека после операција на крајници, на децата им даваат сладолед да го изладат тоа грло кое е заради операцијата воспалено.

Така што сладолед да, но умерено и да се внимава на шеќерот, а не на тоа дали е ладно“.

Во друга прилика, за сајтот mojpedijatar.rs, во секцијата за прашања од родители до педијатар, било поставено слично прашање: 

„Може ли детето понекогаш да изеде сладолед, не целосно смрзнат, туку благо стопен, но секако ладен. Прашувам за дете од 2 и пол години.

Дали тоа значи дека веднаш ќе го заболи грло?“

Одговорот од специјалистите по педијатрија, д-р Татјана Вукомановиќ и д-р Горан Вукомановиќ, гласи:

„Понекогаш МОЖЕ да изеде сладолед. Од сладолед НЕ се добива воспаление на грло, туку од вируси и бактерии.

Не чини често да се јаде за детето да не се ‘навлече’ на него, па потоа нема да сака други работи. Но, за грлото, немајте грижи“.  

М. М. | Црнобело / фото: depositphotos.com