Станав мајка на 14 години. Еве што научив од ова искуство

За жал, сè почести се прераните сексуални односи кои го уништуваат детството на младите. Меги, која сега има 18 години има една ваква животна приказна.

Таа се породила кога имала само 14 години, а сега, 4 години подоцна, открива што научила од ова искуство.

„Мојата приказна е малку чудна, поинаква. Никогаш порано не сум размислувала за секс. Родителите ми беа разведени, па имав можност често да се запознавам со партнерите на мојата мајка. Веројатно тоа влијаеше да стекнам по малку чудна слика за љубовта и партнерските односи.

На 13 години ја изгубив невиноста. Спиев со некој на кој наивно му верував и мислев дека сум заљубена. Потоа мислев дека сите кои сакаат да спијат со мене се заљубени и ме сакаат. Зошто така мислев, сè уште не знам.

Гледајќи назад, бев премлада. Не ни имало потреба воопшто да размислувам за секс.“

Само 1 година подоцна, во тоалетот Меги гледала во тестот за бременост кој покажал две розови црти.

Останала бремена на 14 години. Била млада и не знаела што ја чека. Но, одлучила да го задржи бебето, иако била потполно сама во тоа.

„Се сеќавам на првиот гинеколошки преглед. Докторот ми рече - честитам, а јас само празно и збунето гледав во него.“

„Да можам да го вратам времето наназад, би му кажала на 14-годишното девојче да почека, дека нема потреба никаде да брза. Цел живот е пред неа, има време и за момчиња и за секс, иако тоа во некои моменти делува посебно важно. Би и кажала дека тие безгрижни денови многу ќе и недостасуваат.“

Меги вели дека откако станала мајка многу работи се промениле. Сега има потполно поинаков поглед кон светот, но сепак посакува да го добиела тој поглед кон светот неколку години подоцна.

„Им советувам на сите девојчиња да почекаат додека не бидат доволно зрели, пред да се носат со последиците од сексот, и емотивно и физички.“