Непријатни појави во бременоста за кои сите трудници молчат

Ако сè уште не сте станале мајка, тогаш сигурно ќе наседнете на оние убедувања дека ќе бидете прекрасна трудница, со чиста кожа и симпатични хормонални испади.

Но, жените кои веќе родиле добро ја знаат вистината. Токму затоа, решија да ги откријат најнепријатните појави за кои никој никогаш нема да ви зборува.

Проблематична кожа

Иако некои жени можат да издржат цели 9 месеци без ниту едно мозолче, повеќето трудници се борат со многу алергии и мозолчиња, баш како во времето кога биле тинејџерки. Се појавуваат секаде, на секое неочекувано место.

Носот е најголемиот непријател

Освен постојаното течење на носот, тој ќе има супер моќи за време на бременоста. Тогаш секоја жена е способна да препознае кој што јадел и пиел, што не секогаш е предност. Плус, колку и да сте гладни за некое јадење, неговиот силен мирис секогаш може да ве предомисли.

Телото се предава

Болките во главата, грбот, стегањето на срцето, и болките во препоните и нозете ќе бидат секојдневие. Очекувајте вртоглавици секогаш кога ќе се туширате со топла вода и чувство како целиот стомак да ви се превртува.

Амнезија и чуден вид на деменција

Ќе плачете на реклами, ќе направите скандал затоа што го нема омиленото чоколадо и ќе бидете лути за нешто што сте си измислиле дека се случило. Но, често ќе ви откажува и мозокот, па нема да можете да се сетите на важни информации или да ги довршите сопствените реченици.

Испуштање гасови по цел ден

Збогувајте се со манирите, затоа што гасовите ќе ви станат секојдневие. Заради витамините и додатоците ќе ви се создаваат дополнителни гасови кои ќе мирисаат повеќе од вообичаено, па веројатно ќе ви се гади од самите себе.