Што откриваат првите детски цртежи?

На првите цртежи на своите дечиња, повеќето родители само се смешкаат и им климаат со главата, без да разберат дека ако малку подобро ги проучат можат да го откријат детскиот карактер, потребите и чувствата.

Еве како психолозите ги толкуваат детските цртежи:

- Кога линиите на цртежот се сечат под остар агол,  детето е храбро и бестрашно.

- Импулсивните деца се препознаваат по хаотичните цртежи и предмети расфрлани на сите страни, додека креативните деца сакаат да цртаат кругови.

- Веселото дете најчесто ја користи жолтата и портокаловата боја, а тажното дете користи потемни нијанси.

- Сонцето на сликата е знак дека детето чувствува позитивна енергија во себе, додека тмурните облаци се симбол на дечињата кои имаат лоши мисли и грижи.

- Чудовиштата или змиите укажуваат на плашливи деца.

- Ако детето има братче или сестриче, а го изостава на цртежите, тоа значи дека е љубоморно на него/неа.

- Работите кои дечињата ги сакаат обично ги цртаат многу поголеми отколку што се.