Искрен оглас од еден татко: Ја продавам количката која ми го уништи животот. Време е некој друг да се помачи!

Родителите често ќе ви кажат дека и покрај сите незгодни и непријатни детски фази, на крајот од денот сите се пресреќни што го имаат тоа мало ангелче до нив. Добро, не баш сите...

Еден татко, корисник на eBay постави искрен и урнебесен оглас кој преку ноќ вирално се прошири по сите социјални мрежи.

Тој ја продава количката која му го уништила животот, колку и да звучи сурово.

„Иако никогаш не планирав, ниту сакав да имам деца, мојата сопруга ја купи оваа количка, и покрај тоа што знаеше какви се моите планови. Многу се расправавме, но на крајот сепак бев приморан да попуштам и знаев дека токму оваа количка го означи крајот на безгрижниот живот кој го имав до тогаш.

Ова секако значеше дека сепак ќе имаме деца, и тоа не едно, туку три, а цената на ова зелено чудо ќе ме прогонува до крајот на животот. Купив автомобил кој чини помалку од ова чудо!

Како што сите сега разбравте, ја мразам.

Денес имам 3 деца, лабрадор и принуден сум да се дружам со мајки кои обожаваат да дискутираат за различните цени во супермаркетите, градинките и одржувањето на куќата.

Како и да е, време е овој зелен албатрос да стане туѓа мака.

Оваа количка помина сè и сешто - беше поливана со сите можни течности, кал и храна, а јас се обидов да ја одржам колку што можев и умеев.

Издржа многу поголема тежина од означеното, а еднаш ја користеше и кучето (тоа е посебна приказна).

Моите деца се веќе доволно големи за да одат сами, понекогаш во погрешна насока, но дефинитивно дојде време некој да ја преземе.

Почетната цена за да си го уништите животот како што јас тоа го направив е 9,99 фунти, а добиените пари ќе ги искористам за да се опоравам од моите деца.

Трошете ги своите пари паметно и знајте дека сè оди во добротворни цели.“

Иако почетната цена на количката била 9,99 фунти, заради оригиналноста на огласот нејзината моментална цена достигна 154 илјади фунти, а лицитацијата ќе трае уште 8 дена.