Родители, внимавајте: Што ви откриваат детските цртежи?

Понекогаш детските цртежи ги гледаме само како игра на лист хартија. Меѓутоа, со кратка анализа многу лесно може да откриете како се чувствуваат најмладите во тој момент.

Што значат боите на цртежите?

- Црна и виолетова користат децата кои сакаат да преземаат иницијатива и кои се сигурни во себе, но често пати имаат нереални желби.

- Сина боја сакаат дечињата кои се грижливи и уживаат кога се во друштво.

- Црвената боја посебно ја користат децата кои се љубопитни и не сакаат да пропуштат ништо важно.

- Розовата искажува потреба за љубов и почит.

- Зелената е симбол на децата кои сакаат да бидат поинакви, кои си ја сакаат личната слобода, кои се уметнички души и многу интелигентни.

- Жолтата ја одразува интелигенцијата и веселата, топла природа на детето.

Како е позициониран цртежот на хартијата?

- Ако цртежот е на левата страна, детето е приврзано за мајката и минатото.

- Ако цртежот е на десната страна, детето е поблиско со таткото и чувствува потреба да комуницира и да се интересира за иднината.

- Детето кое крупно ги црта предметите и ги позиционира на средината на хартијата е сигурно во себе и цврсто стои на земја.

- Детето кое црта ситни работи по страните и аглите на листот изразува несигурност и неспособност да се носи со проблемите.

Карактеристични цртежи кои веднаш го откриваат детето

Импулсивно дете: Големи луѓе, брез врат и асиметрија на екстремитетите.

Загрижено дете: Облаци, дожд, птици кои летаат, луѓе без очи.

Срамежливо дете: Мали луѓе, без нос или уста и раце припиени за телото.

Луто дете: Големи дланки и заби, долги раце, вкрстени очи.

Несигурно дете: Чудовишта, мали глави, без раце, косо нацртани.