6 извинувања кои ѝ ги должам на мојата мајка откако и јас станав мајка

Сите мајки ќе се сложат за едно нешто – потребно е да станете родител за да сфатите колку навистина е тешко. Дури тогаш и сами ќе се соочите со сите предизвици на мајчинството и ќе почнете многу повеќе да ги цените и сфаќате своите мајки.

Тогаш ќе почувствувате дека им должите извинувања за сите непријатности кои сте им ги приредиле.

Барем еднаш ќе посакате на вашата мајка да ѝ кажете:

1. Се извинувам за својот пубертет, хормоните, нападите на тинејџерско лудило и тоа што се правев паметна. Сега знам дека тогаш не сум знаела сè иако така се однесував.

2. Се извинувам за сите бегања од дома, доцнења, пијанења, ненајавени тетоважи и пирсинзи и за сите расечени фармерки.

3. Се извинувам поради пркосењето, инатењето и превртувањето со очи.

4. Се извинувам поради лошите типови кои ги прифаќав додека ти ме убедуваше дека заслужувам подобро.

5. Се извинувам за сите моменти на бес кога ти кажував дека си лоша мајка, а ти си била онаква каква што ми била потребна. Онаа која ме тераше да престанам да ги игнорирам сопствените грешки.

6. Најмногу се извинувам поради тоа што мислев дека да се биде мајка е најлесната работа на светот.

Извини, поради тоа што го потценував тоа што го правеше за мене, бидејќи мислев дека тоа е твоја должност, а не знаев дека да се биде мајка е нераскинливо ветување на љубов.