Искрен одговор: Зошто ја избричив главата на мојата ќерка?

Една мајка на интернет објавила фотографија од нејзината ќерка со коса и без коса. Некои помислиле дека се работи за некаква болест, но кога ја дознале причината почнале да ја обвинуваат мајката дека сакала само да добие на публицитет.

Но, приказната е сосема поинаква. Нејзината ќерка посакала да има фризура како браќата. Кога мајката ѝ објаснила дека обично девојчињата имаат подолга коса, таа решително одговорила: „Нема шанси. Девојчињата може да имаат каква сакаат фризура“.

Кога мајката ја предупредила дека некои ќе ѝ кажуваат дека е грда или ќе мислат дека е момче, девојчето нашло многу едноставно решение: „Во ред е мамо, само ќе им кажам дека сум женско и готово“.

Тогаш мајката ѝ ја исполнила желбата и ѝ ја избричила главата. Откако ја објавила фотографијата и сите почнале да ја напаѓаат, морала да им одговори искрено и отворено:

„Да, можев да ја разубедам и да не ѝ дозволам. Јас сум нејзина мајка и моето мислење има големо влијание на неа. Можев да ѝ кажам дека има толку убава коса што би било штета да ја избричи. Но, со тоа ќе ѝ дадам до знаење дека најважен ми е нејзиниот изглед и дека целта е да им биде убава на другите и дека е поважно како другите ја гледаат, отколку нејзините желби и чувства“.

На девојчето не само што не му пречи новата фризура, туку мисли и дека е забавно да ја бричи главата секој месец, како нејзините браќа.