Како данските родители разговараат со своите деца за сексот и што можеме да научиме од нив?

Данските родители со своите деца разговараат отворено на тема секс уште од раните години, и можеби сите родители треба да го прифатат тој начин на воспитување.

Сара, девојката која ја сподели приказната на Reddit, раскажува за нејзините родители кои се преселиле од САД во Данска додека таа била малечка, па почнале да ја воспитуваат на начин на кој тоа го прават данските родители.

„Моите родители секогаш беа комплетно отворени на тема секс. Кога ги прашав од каде доаѓаат бебињата, тие ми раскажаа на наједноставен и пристоен начин и ми покажаа детски книги кои го објаснуваат пубертетот како процес и сексот. Дури и ми покажаа сликовница со илустрации од пенис во три фази - пред да пенетрира, во текот на пенетрацијата и ејакулација.“

„Кога ги прашав моите родители дали тие имале секс, тие ми одговорија потврдно, но само кога сум спиела или не сум била дома,“ Сара ја продолжува својата приказна.

„По мое мислење, еден од најголемите гревови кои родителите во Америка го прават е тоа што не се отвораат на тема секс пред своите деца.

Јас лично невиноста ја изгубив на мојот кревет, со знаење на моите родители што ќе се случува.

Сега сум во доцните 20-ти, без сопруг и деца. Но, ако еден ден имам деца, се надевам дека ќе ги воспитувам на истиот начин на кој јас бев воспитана.

Кога подобро ќе размислам, не можам да сфатам како би ми било кога би ја изгубила невиноста скришно, без да се советувам со моите родители што да очекувам од самиот чин.“

М. Д. | Црнобело