8 грешки со кои родителите ја уништуваат самодовербата на децата

Никој не може да ги уништи децата повеќе од нивните родители, тргнувајќи од претераната љубов па сè до прекумерната грижа.

8-greski-so-koi-roditelite-ja-unistuvaat-samodoverbata-na-decata-01.jpg

Самодовербата е она што на децата им дава храброст да го истражуваат светот, да прифатат нови непознати предизвици и притоа да веруваат во самите себе и својата сила.

Кои се грешките на родителите со кои се нарушува или пак премногу храни самодовербата на детето?

1. Критикување на детето

Кога ги критикуваме децата, многу лесно а ненамерно, тоа го правиме на тој начин што ги критикуваме и нив како личности. Кога ќе им кажеме дека сме се разочарале во нив, ја нарушуваме нивната самодоверба, а со тоа и нивната волја за соочување со нови предизвици. На тој начин ја поврзуваме нивната личност со неуспех, а тоа воопшто не е добра основа.

2. Премногу фалење

Наспроти критикувањето, постои и друга крајност: премногу фалење. Иако пофалбите ка хранат самодовербата, важно е да се знае кога и како и да се користат. Пофалете одредени и конкретни постапки кај детето и пофалете го неговиот труд наместо вообичаените реченици со кои се фали неговата личност.

3. Контролирање на животот на детето

Дозволете им да ги пронајдат своите интереси и потоа во тоа бескрајно поддржувајте ги.

4. Кога правиме сè наместо детето

Иако возрасните можат многу работи подобро да завршат и побрзо, не е секогаш поентата во брзината и квалитетот. Оставете ги децата дури и да погрешат и дајте им прилика да развиваат независност, да учат да ги решаваат проблемите и да размислуваат со своја глава.

5. Стремење кон совршенство

Поставувањето на високи очекувања може да има сосема спротивно дејство на детето од посакуваното. Децата можат да бидат под стрес за да не ги разочараат родителите, а таквата состојба не е погодна за развој.

6. Запоставување на комуникацијата

Активното слушање на она што го зборуваат без прекинување им помага на децата да сфатат дека се важни и нивните желби, чувства, потреби и мислења.

7. Споредби со други деца

Ова е сигурно една од најлошите грешки во нарушување на самодовербата кај децата. Споредувањето детето често го доживува како порака дека не е доволно добро. Ниеден човек не е еднаков на друг, па затоа споредувањето не може да донесе ништо добро.

8. Изразување на сопствениот недостаток од самодоверба

Добар начин за поттикнување развој на самодовербата на детето е да му покажеме добар пример кај себе. Затоа зборувајте позитивно за себеси и бидете модел кој ќе го научи детето на сочувство, љубезност и самодоверба.

М. С. | Црнобело

Би можело да ве интересира:

Грешки со кои родителите несвесно им создаваат траума на децата Немојте да мислите дека децата ви должат нешто бидејќи сте ги родиле и се грижит...
13 совети од родителите што ги разбираме дури откако ќе пораснеме, низ илустрации Во тинејџерските години секој совет од родителите низ звучи како непријателски н...
7 правила за воспитување од нашите баби и дедовци што треба да се применуваат и денес Децата треба да си играат надвор и во ред е некогаш да им биде здодевно. Деца...
„Бидете подготвени за критика“ и уште 7 совети за да го подобрите односот со родителите Ако сакате да го подобрите односот со родителите, не барајте прават работи за ва...
Првите 3 години од родителството се најтешки - после станува полесно Моето родителство се промени кога дознав дека критичните години се само првите т...
7 најчести грешки кои ги прават родителите дури и без да забележат Дури и да ви делуваат смешни детските проблеми, во нивната глава тие се огромни ...

Најчитани неделава

sonovnik-sidebar.jpg