10 правила по кои еден татко ги воспитува своите две деца

Да се воспитува „мало човече“ не е едноставна работа. Бара учење на лекции од постарите, стекнување лично искуство и знаење...

Еве што научил дизајнерот Никита Иванов и какви правила применува при воспитувањето на неговите две деца:

1. Рестрикциите ја намалуваат слободата на децата, ама се прават заради грижа. Затоа, важно е да бидат јасно и едноставно формулирани. Детето би требало да има колку може поголема слобода да експериментира.

2. Казните треба однапред да се знаат, како и да биде познато дека се неизбежни. Нејасната поврзаност помеѓу одредено дело и казна може сериозно да влијае на односот помеѓу детето и родителот.

3. Мајката и таткото треба да бидат на иста страна. Ако мајката казнила, таткото не треба да ја поништи казната и обратно. Тоа го учи детето да не почитува.

4. Да се биде постаро дете е нова можност, ама не и одговорност. Никогаш не треба да му велите на постарото дете дека сега затоа што е најстаро, треба да се однесува на одреден, нов и посебен начин. Тоа му го уништува детството, па и односот со помалите браќа и сестри.

5. Децата се огледало на сопствените родители. Хистеричното дете е само одраз на нервозниот родител, па ако сакате да го смирите, тогаш треба прво лично себеси да се смирите.

6. Не треба да ги плашите децата. Во основа, ако ги плашите децата со полицаецот, поштарот, кучето на соседот, така само ги ограничувате.

7. Не ги споредувајте децата. Децата треба да знаат дека среќата доаѓа однатре, не однадвор споредувајќи се со тоа колку се поуспешни од другите врсници.

8. Дајте им можност за избори и научете ги нивните желби. Неодлучните и несреќни возрасни луѓе созреваат од деца кои како мали не биле слушани од родителите. Како мали нив никој не ги прашувал што сакаат, што им треба...

9. „Направи го ова“ - не функционира. Бидете пример за детето, само наредбите никогаш не функционираат и многу често доведуваат до огорченост и одбивност.

10. Сакајте го детето. Љубовта која била покажана е најголема гаранција дека ќе воспитате здраво, успешно и среќно дете кое и ќе порасне во таква единка.

Н. Г. | Црнобело