Која е најбезбедната возраст за да му купите смартфон на детето?

Со оглед на тоа што децата денес „се раѓаат“ со телефон во рака и веќе до 4 години ги имаат усовршено сите игри, од посебна важност е родителите да постават здрави граници.

Ова не е тема која треба да се разбере лежерно. Анализите покажуваат дека просечен човек минува околу 5 часа на ден залепен за екранот на смартфонот. И звучи загрижувачки.

Според едно истражување, во просек, секое дете на 10 години го добива својот прв смартфон, а веќе 50% од децата на само 12 години се активни на социјалните мрежи.

Но, тоа не е случај во семејството на Бил Гејтс. Во последното интервју за The Mirror, тој изјави дека ниту едно од неговите деца немало мобилен телефон до 14-годишна возраст.

Токму така, на неговите деца не им било дозволено користење на смартфон пред да почнат средно училиште.

Но, бидејќи секое дете е различно и степенот на созревање е секогаш дискутабилен, најлесно ќе одредите дали вашето дете „заслужува“ мобилен телефон кој мена да го злоупотреби, преку овие прашања:

• Дали на вашето дете навистина му треба смартфон од безбедносни или социјални причини?
• Дали го сфаќа концептот да биде временски лимитирано колку време ќе го користи, без плачење и лутење?
• Дали може да му верувате дека нема да куца за време на час и дали е доволно одговорно и свесно што треба, а што не треба да прави со сопствените слики и видеа?

Со оглед на ова, не постои совршено безбедна возраст. Постои само совршено безбеден тајминг кога вие ќе процените.

М. Д. | Црнобело