Зошто бебињата го обожаваат звукот на фенот и полесно заспиваат со него?

Познавате ли родители коишто тврдат дека нивното бебе полесно се заспива со одредени звуци, како оние кои ги прави фенот или правосмукалката? Можеби и вие сте таков родител, или сте биле дете кое заспивало на многу сличен начин?

Сте се запрашале ли некогаш зошто бебињата го обожаваат овој тип на звуци?

Одговорот е многу поедноставен отколку што може да замислите. 9 месеци домот на бебето била многу бучната матка на мајката.

Секоја минутка од секој ден, матката била опкружена со симфонија од внатрешни звуци: срцебиењето на мајката, крвниот притисок, нејзините стомачни грчеви, подригнувања, итн.

Воедно, да не ги изоставиме и надворешните звуци и гласови, како секојдневните разговори, домашната бучава, сообраќајот, музиката и многу други.

Па може да замислите како бебето се чувствува кога се раѓа и од една многу бучна матка одеднаш се префрла во многу тивок свет.

Токму затоа звуците на фенот и правосмукалката им се многу блиски на бебињата. Бидејќи ги потсетуваат на звуците кои тие ги слушале додека биле во матката на мајката. Тие ги смируваат, враќајќи им едно многу добро познато чувство, чувство на удобност и сигурност.

Сепак, внимавајте кога ги користите овие апарати со цел полесно да го успиете бебето. Тие сепак не треба да бидат премногу гласни, бидејќи може да го оштетат деликатниот слух на бебето кој сè уште се развива.

(O)Милена | Црнобело