11 детски прашања кои може да бидат засрамувачки и како да им одговорите, наместо да ги скарате

Секој кој има дете знае колку непријатни можат да бидат неговите прашања. Има моменти кога сакате да прснете од смеа, но и моменти кога сакате да пропаднете во земја од срам.

Во тие ситуации карањето не е најпаметната опција.

Воздржете се од избрзани реакции и гласно прекорување и обидете се да разберете дека децата не знаат дека прашањето е страшно, нелогично или срамно за околината.

Потоа внимателно одговорете:

Бидете искрени, но не навлегувајте во детали.

„Кога двајца се сакаат, се бакнуваат и прегрнуваат. Тато ѝ ги дава на мама неговите клетки. Кога тие ќе се здружат со клетките на мама, во стомакот почнува да расте бебе. На почетокот бебето е малечко и плива како рипче. Кога доволно ќе порасне и повеќе нема место во стомакот на мама, се раѓа. Така се роди ти.“

Обидете се да им објасните без да им оставите чувство дека се работи за тема на која е срамота да зборуваат.

„Момчињата и девојчињата се различни за да можеме да се размножуваме. Кога момчињата и девојчињата ќе пораснат, се вљубуваат и добиваат желба да имаат деца. Потоа мора да се спојат како сложувалка, а за тоа да се случи мора да бидат различни.“

Кажете „не“, но внимавајте да не му ги повредите чувствата.

„Сите си имаат своја улога во семејството. Твојата сестра не може да стане твој татко, ниту па твојот татко може да ти стане дедо. Така, твојата мајка не може да стане твоја жена. Кога ти ќе пораснеш, твојата мајка ќе биде стара. Тогаш ќе се грижиш за неа, но ќе имаш и жена – млада и прекрасна. Ќе се сакате силно и ќе имате ваши дечиња.“

Важно е да му објасните на детето дека не е негова вина што се расправате.

„Луѓето се караат бидејќи не секогаш имаат исти мислења. Децата се караат, знаеш и самиот/самата, па така е и со возрасните. Но, секогаш се смируваат бидејќи се сакаат. И двајцата те сакаме.“

Не го замолчувајте детето кога ќе праша зошто некој човек изгледа поразлично. Објаснете дека мора да биде толерантен/толерантна на различностите.

„Секој човек е различен. Луѓето може да бидат високи, ниски, дебели и слаби. Понекогаш луѓето изгледаат различно бидејќи се болни. Можеш да ги повредиш ако ја исмееш нивната различност. Не би требало да го насочуваш прстот кон нив. Подобро е да ме прашаш подоцна, на само, за да не повредиме никого. Во ред?“

Браќата и сестрите често војуваат за љубовта и наклонетоста на родителите. Затоа ова е стресна тема.

„Ти си различен, па и нашата љубов кон тебе ја искажуваме на различен начин, отколку љубовта кон брат ти/ сестра ти. Ве сакаме подеднакво, но на различен начин. И двајцата сте ни многу важни.“

Објаснете му на детето дека лекарскиот преглед е неопходен. Во никој случај не го нарекувајте кукавица или плачко.

„Докторот нема да те повреди. Негова работа е да се бори со бактериите и болестите кои тебе те напаѓаат. Процесот може да е малку болен, но потоа ќе ти биде подобро.

Кога бев мал/а еднаш примав инјекција. Бев исплашен/а, но се справив. Можеш и ти. Запомни дека и твоето плишано мече некогаш се разболува и го носиме на доктор. Но, утредента веќе му е подобро, нели?“

Не ги лажете децата за смртта. Можат да ја прифатат.

„Луѓето, животните, па дури и цвеќињата умираат еден ден. Тоа е природно. Важи и за нас, но не наскоро. Кога ќе бидеме многу стари, тогаш ќе заминеме и ќе направиме простор за новите генерации, пример, за твоите дечиња. Но, дотогаш ќе живееме прекрасен живот полн со авантури и откривање на убави работи.“

Објаснете им дека работата е нешто што мора да се прави. Нагласете ја среќата која ќе ја чувствувате кога ќе се вратите.

„Не сакам да те оставам, но морам да одам и не можам да направам ништо во врска со тоа. Работата е многу важна. Запомни дека ќе се вратам за неколку часа и ќе бидеме пресреќни што повторно ќе се видиме.

Имам идеја. Ајде да се замениме, јас ќе земам една твоја играчка, ти една моја нараквица. Ќе ги чуваме блиску до нас додека повторно не се видиме.“

Не се плашете да признаете дека како родител не сте идеални.

„Да, јас имам лоша навика да пушам и некогаш да останам доцна пред компјутер. Но, не сакам да ги повторуваш моите грешки. Сакам да бидеш подобра личност отколку што сум јас.“

Не ги исмејувајте детските стравови во ниту еден случај. Сфатете ги многу сериозно и смислете решение.

„Раскажи ми за чудовиштето. Знаеше дека чудовиштата се плашат од магии? Ајде да смислиме една магија заедно.“

Втора опција:

„Види, ова не е обично далечинско. Го гледаш ова тајно копче? Кога ќе го притиснеш, чудовиштето исчезнува. Чувај го далечинското блиску до тебе во случај да ти затреба.“

М. Д. | Црнобело