Една од 5 мајки верува дека имала дете „предоцна“ во животот

И во Македонија тренд е жените да стануваат мајки сè подоцна во животот, но која возраст се смета идеална за раѓање на првото дете?

Едно ново истражување направено на 2.000 мајки откри дека многу од нив жалат што немале дете помлади. Една од 5 мајки верува дека имала дете „предоцна“ во животот.

Половина од нив сметаат дека се борат за да го одржат темпото околу нивните деца поради нивните години. Тие сметаат дека би се справувале подобро со предизвиците на мајчинството ако се реализирале во улогата на родител порано.

15 проценти од нив пак би сакале да бидат млади доволно за некогаш во животот некој да помисли дека му се сестра на своето дете, а не мајка.

Според истражувањето, возраста од 26 години е дефинирана како совршено време за да се стане мајка. И заклучокот е дека иако има многу предизвици да се биде млада мајка, сепак голем е бројот на предности ако го сторите тоа порано.

На овој начин полесно ќе ги споделувате искуствата со своето дете и ќе имате повеќе енергија за заедничките активности, тврдат истражувачите.

Според истражувањето, возраста од 38 години за прво дете е дефинирана дека ве прави „стара мајка“.

Но, модерните трендови се мајките да имаат деца сè подоцна и подоцна во животот.

С. С. | Црнобело