Практични лекции од родителите кои знаат како да ги направат децата независни уште од мали

Визуелно учење на правда

Кога имате повеќе од едно дете, не е лесно да ги научите на правда и еднаква делба на работите.

За да им покажете визуелно што е правда, земете закачалка и две идентични кутивчиња. Направете две дупчиња на двете кутии и ставете врвца со која ќе ги закачите на закачалката како на сликата

Земете неколку чоколатца, бонбони и слични работи околу најчесто се караат и покажете им на „вага“ како изгледа кога некој има повеќе, а друг помалку, за на крај да сфатат дека треба двете да бидат еднакви.

Да научат да се облекуваат сами

На децата им е интересно сами да бираат облека, но ако се помали и не можат соодветно да одберат, вие научете ги и не им го скратувајте задоволството или пак за полесно цело време вие да ги облекувате.

На пример, направете слики од веќе искомбинирани парчиња и дајте им да ги гледаат, па според тоа да си ја бараат соодветната облека и во тоа сами да се облечат.

Утрински ритуали

Четката и пастата ставете ги во една чашка, пешкирот во друга, а чешелот во трета и напишете бројки на секоја од нив за детето да научи како одат чекорите наутро и да му станат навика.

Избегнување неред

Децата сакаат да си играат насекаде и цел дом може да ви е расфрлан со играчки, но за да го научите на ред, обележете со лента во боја еден дел во кој ќе може да си играат и од чија линија нема да „смеат“ да излезат со играчките.

 

М. М. | Црнобело