Во светот се раѓаат сè помалку бебиња

Наталитетот од 1950 година до денес е опаднат речиси на половина.

Едно ново истражување објавено во магазинот Lancet открива дека половина од земјите во светот немаат доволно бебиња за да си го одржат бројот на население.

Значаен пад на наталитетот е забележан од 1950 до денес.

Порано жените во светот во просек раѓале 4.7 деца, а сега таа бројка е речиси преполовена на 2.4 деца.

Се разбира, разликата од земја до земја е драстична, па така во Нигерија жените имаат во просек 7.1 деца, додека во Кипар се одлучуваат за 1.

Главната причина за намалување на наталитетот е достапноста на средствата за контрацепција и сè поголемиот професионален ангажман на жените.

Во некои земји ситуацијата е стигната дотаму што бројот на населението ќе почне да опаѓа.

С. С. | Црнобело